ٶلٸم جازاسىن جويۋ شەشٸمٸن تٷپكٸلٸكتٸ بەكٸتۋ ٷشٸن كونستيتۋتسيياعا تيٸستٸ ٶزگەرٸستەر ەنگٸزۋ كەرەك. بۇل تۋرالى مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا ايتتى, دەپ حابارلايدى قازاقپارات.
«مەنٸڭ ازاماتتاردىڭ نەگٸزگٸ قۇقىقتارىن قورعاۋعا ەرەكشە نازار اۋداراتىنىمدى بٸلەسٸزدەر. 2020 جىلى بٸزدٸڭ ەلٸمٸز ٶلٸم جازاسىنىڭ كٷشٸن جويۋدى كٶزدەيتٸن ازاماتتىق-ساياسي قۇقىقتار تۋرالى ەكٸنشٸ فاكۋلتاتيۆتٸ حاتتاماعا قوسىلدى. ٶتكەن جىلى مەن وسى سالانى ۇزاق مەرزٸمدٸ جەنە كەشەندٸ دامىتۋعا باعىتتالعان ادام قۇقىقتارى سالاسىنداعى ەرٸ قارايعى شارالار تۋرالى جارلىققا قول قويدىم. ۇلتتىق قوعامدىق سەنٸم كەڭەسٸنٸڭ قاتىسۋىمەن باسقا دا بٸرقاتار پروگرەسسيۆتٸ باستامالار ٸسكە اسىرىلدى. الايدا, قۇقىق قورعاۋ پروبلەماتيكاسى ٷنەمٸ جەتٸلدٸرۋدٸ تالاپ ەتەدٸ. ٶلٸم جازاسىن جويۋ تۋرالى شەشٸمدٸ تٷپكٸلٸكتٸ بەكٸتۋ ٷشٸن كونستيتۋتسيياعا تيٸستٸ ٶزگەرٸستەر ەنگٸزۋ كەرەك دەپ سانايمىن», - دەدٸ پرەزيدەنت.
