DAISh lańkesteriniń (Qazaqstanda tyiym salynǵan) Mosýldaǵy an-Nýri meshitin jaryp jiberýi olardyń óz jeńilisin moiyndaýy. Bul týraly Iraktyń premer-ministri Haider ál-Abali málimdedi, - dep habarlaidy RIA Novosti.
"IM-nyń (DAISh) an-Nýri meshitin jáne ál-Habda ǵibadathanasyn jaryp jiberýi - olardyń jeńilisti resmi moiyndaýy", - dep keltiredi Irak premeriniń sózin baspasóz qyzmeti.
Sársenbide Irak áskerileri DAISh sodyrlarynyń Mosýldaǵy an-Nýri degen basty meshitti jáne onyń mańynda ornalasqan ál-Habda ǵibadathanasyn jaryp jibergenin habarlaǵan edi. Dál osy jerde Ábý Bakr ál-Bagdadi 2014 jyly DAISh "halifatyn" jariialaǵan edi. Meshit pen ǵibadathana radikaldardyń simvolyna ainalǵan bolatyn.
Nainava provintsiiasyn bosatý boiynsha operatsiianyń qolbasshysynyń aitýynsha, "an-Nýri meshiti men onyń ál-Habda degen ǵibadathanasyn sodyrlar Irak áskerleri Eski qalaǵa kirip, DAISh bandalaryn aiqyn jeńgennen keiin jaryp jibergen". Irak áskeri Facebook jelisindegi akkaýntynda qiraǵan meshittiń sýretin jariialady.
Frans Press agenttigi keiinirek DAISh lańkestik toby meshitti qiratty dep AQSh-ty aiyptaǵanyn habarlady. AQSh tóraǵalyq etetin halyqaralyq koalitsiianyń ókili bul aiyptaýǵa ázirshe Mosýn qalasyndaǵy an-Nýri meshiti ornalasqan aýmaqqa bomba tastamaǵanyn aityp jaýap berdi.
Meshit Mosýldyń batysyndaǵy eski qalada ornalasqan, munda sońǵy ýaqytta sheshýshi urystar júrip jatyr.
An-Nýri meshiti 800 jyl buryn salynǵan.
Áskerilerdiń aitýynsha, meshit úkimettik bólimderdiń baqylaýy ótkennen keiin sodyrlardyń rýhy túsedi.
