Foto: © Sputnik / Vladislav Vodnev
Qazaqstan men Germaniia arasynda alty kelisimge qol qoiylatyn bolady, dep habarlaidy "Ult Aqparat".
Aita keteiik, Germaniianyń Federaldy kantsleri Olaf Sholts Qazaqstan prezidenti Qasym-Jomart Toqaevtyń shaqyrýymen resmi saparmen kelgen bolatyn. Ǵylym jáne joǵary bilim ministri Saiasat Nurbek Germaniianyń Federaldy kantslerimen qandai kelisimder jasalatyny týraly aitty.
«Birinshi, Almaty energetika jáne bailanys ýniversitetiniń negizinde ataqty Anhalt ýniversitetiniń filialy ashylady.
Ekinshi, Aqtaýdaǵy Esenov ýniversitetiniń negizinde Berlin tehnikalyq ýnivesitetiniń filialy ashylady.
Úshinshi qujat, prezident janyndaǵy Ulttyq ǵylym akademiiasynyń janynan qazaq-nemis ǵylymi ortalyǵy ashylady. Bul zertteý institýttary arasyndaǵy jumysty júiege keltirý maqsatynda ashylady.
Tórtinshi, Óskemen qalasynda ShQO tehnikalyq ýniversitetinde qazaq-nemis metallýgriia jáne ken baiytý salasynda arnaiy úlken zertteý ortalyǵy ashylady. Oǵan birneshe ýniversitet kiredi.
Besinshisi, Eýraziia Ulttyq ýniversitetiniń negizinde nemis tilin úirený ortalyǵy ashylady. Búgin resmi ashamyz. Sońǵy jyldary nemis tili umytylyp ketti, buryn nemis tili jaqsy oqylǵan.
Sońǵy kelisimshart – Almatydaǵy Ulttyq agrarlyq ýniversitet negizinde Sý sharýashylyǵy ǵylymi zertteý ortalyǵy ashylady. Qazir sý máselesi úlken problemaǵa ainalýda», - dedi Ǵylym jáne joǵary bilim ministri Saiasat Nurbek.
