Qazaqstandyq boksshy Gennadii Golovkin meksikalyq Saýl Alvareske dóreki jaýap berdi, - dep habarlaidy Tengrinews.kz.
Buǵan deiin Kanelo óz suhbattarynda Golovkinniń karerasyn aiaqtaimyn degen bolatyn. Aldaǵy kezdesý jekpe-jekten de úlken, jeke máselesi ekenin aitqan.
"Oǵan bul jeke másele shyǵar. Onyń ornyna sóileý durys bolmas. Men muny qalai kóremin - DAZN-daǵy sońǵy jekpe-jek, kelisimshart boiynsha sońǵy jekpe-jek, kóp ýaqyt ótti, bári bir kezdesýge qosylyp otyr. Endi, mine, tórt jyldan keiin ol "nokaýtqa túsiremin", "karerasyn aiaqtaimyn" degen málimdemeler aityp júr. Ol meniń kareramdy qalai aiaqtaidy? Meniń kareramdy bastaityn nemese aiaqtaityndai ol kim edi? Mine, ol ózin osylai kótermelep otyr. Ol bulai aitatyn jasta emes, ondai jaǵdaida da emes. Eger bul jeke másele bolsa, kezdesý birden bolar edi. Al qazir kóp ýaqyt ótti, onyń aityp jatqany durys emes", - dedi Golovkin.
Golovkin "onyń tarapynan sizdi nokaýtqa túsiremin degen túrli málimdemelerdi qurmetsizdik dep sanamaisyz ba" degen suraqqa da jaýap berip ótti.
"Onyń sózderimen sanaspaimyn. Kópten beri onyń aitqandaryna mán bermeitin bolǵanmyn", - dep jaýap berdi boksshy.
Suhbattyń tolyq nusqasyn myna silteme arqyly oqi alasyzdar.
