قازاقستاندىق بوكسشى گەنناديي گولوۆكين مەكسيكالىق ساۋل الۆارەسكە دٶرەكٸ جاۋاپ بەردٸ, - دەپ حابارلايدى Tengrinews.kz.
بۇعان دەيٸن كانەلو ٶز سۇحباتتارىندا گولوۆكيننٸڭ كارەراسىن اياقتايمىن دەگەن بولاتىن. الداعى كەزدەسۋ جەكپە-جەكتەن دە ٷلكەن, جەكە مەسەلەسٸ ەكەنٸن ايتقان.
"وعان بۇل جەكە مەسەلە شىعار. ونىڭ ورنىنا سٶيلەۋ دۇرىس بولماس. مەن مۇنى قالاي كٶرەمٸن - DAZN-داعى سوڭعى جەكپە-جەك, كەلٸسٸمشارت بويىنشا سوڭعى جەكپە-جەك, كٶپ ۋاقىت ٶتتٸ, بەرٸ بٸر كەزدەسۋگە قوسىلىپ وتىر. ەندٸ, مٸنە, تٶرت جىلدان كەيٸن ول "نوكاۋتقا تٷسٸرەمٸن", "كارەراسىن اياقتايمىن" دەگەن مەلٸمدەمەلەر ايتىپ جٷر. ول مەنٸڭ كارەرامدى قالاي اياقتايدى? مەنٸڭ كارەرامدى باستايتىن نەمەسە اياقتايتىنداي ول كٸم ەدٸ? مٸنە, ول ٶزٸن وسىلاي كٶتەرمەلەپ وتىر. ول بۇلاي ايتاتىن جاستا ەمەس, ونداي جاعدايدا دا ەمەس. ەگەر بۇل جەكە مەسەلە بولسا, كەزدەسۋ بٸردەن بولار ەدٸ. ال قازٸر كٶپ ۋاقىت ٶتتٸ, ونىڭ ايتىپ جاتقانى دۇرىس ەمەس", - دەدٸ گولوۆكين.
گولوۆكين "ونىڭ تاراپىنان سٸزدٸ نوكاۋتقا تٷسٸرەمٸن دەگەن تٷرلٸ مەلٸمدەمەلەردٸ قۇرمەتسٸزدٸك دەپ سانامايسىز با" دەگەن سۇراققا دا جاۋاپ بەرٸپ ٶتتٸ.
"ونىڭ سٶزدەرٸمەن ساناسپايمىن. كٶپتەن بەرٸ ونىڭ ايتقاندارىنا مەن بەرمەيتٸن بولعانمىن", - دەپ جاۋاپ بەردٸ بوكسشى.
سۇحباتتىڭ تولىق نۇسقاسىن مىنا سٸلتەمە ارقىلى وقي الاسىزدار.
