Áleýmettik jelilerde pedagogter men oqytýshylardy "Qazaqstan halqyna" qoryna qarajat aýdarýǵa mindetteý týraly ártúrli pikir tarap jatyr. Bilim jáne ǵylym ministrliginiń baspasóz qyzmeti mundai jaǵdaidy joqqa shyǵardy, dep habarlaidy "Ult aqparat".
«Qaiyrly kún! Áleýmettik jelilerde pedagogter men oqytýshylardy «Qazaqstan halqyna» qoryna qarajat aýdarýǵa mindetteý týraly pikirler jazylyp jatyr. Muǵalimder, balabaqsha tárbieshileri, BǴM-ge qarasty joǵary oqý oryndarynyń oqytýshylary men bilim berý uiymdarynyń basqa da qyzmetkerleri qorǵa aqsha aýdarýǵa mindettelmeidi. Bilim uiymdarynyń basshylary habardar. Degenmen, mundai másele týyndap jatsa, maǵan jaza alasyzdar», - dep jazdy vedomstvonyń baspasóz hatshysy Móldir Ábdýalieva Facebook paraqshasynda.
Eske sala keteiik, Memleket basshysynyń tapsyrmasymen elde «Qazaqstan halqyna» atty qoǵamdyq qor quryldy.
16 qańtarda "Qazaqstan halqyna" qorynyń Qamqorshylyq keńesi sailandy.
