Mektep oqýshylarynyń ata-analary arasynda WhatsApp jelisi arqyly Tarhýn, Citro gazdalǵan sýsyndardy ishkennen keiin juqpaly aýrýlar aýrýhanasynda balanyń qaitys bolǵany týraly taraǵan aqparat jalǵan. Bul týraly QR DM Densaýlyqty saqtaý komitetiniń baspasóz qyzmetinen málim etti, dep habarlaidy QazAqparat tilshisi.
«Oblystyq densaýlyq saqtaý basqarmasy basshylarynyń resmi derekterine sáikes juqpaly aýrý aýrýhanalarynda Tarhýn, Citro gazdalǵan sýsyndardy jáne energetikalyq sýsyndardy ishkennen keiin ýlaný faktileri tirkelgen joq. Buǵan qosa taratylǵan aqparatta Keden odaǵynda sýsyndar men konditer ónimderin óndirýge ruqsat etilgen taǵamdyq qospalar qospalar kórsetilgen», - dep atap ótedi komitetten.
Vedomstvonyń málimetinshe, negizinen árbir boiaǵysh úshin ónimderdiń quramynda bolatyn normalary bekitilgen.
«Al taratylǵan aqparatta boiaǵysh kórsetkishi ruqsat etilgen deńgeiden asyp ketkeni týraly málimet kórsetilmegen. Tyiym salynǵan boiaǵyshtar bar azyq-túlik ónimderi týraly aqparat negizinen beiresmi internet-resýrstardan alynǵan. Sonymen qatar QR Densaýlyq saqtaý ministrliginiń Densaýlyqty saqtaý komiteti aýmaqtyq departamentteriniń basshylaryna kórsetilgen azyq-túlik ónimderin saraptama júrgizý úshin irikteýge tapsyrma berildi», - dedi vedomstvodan.
Esterińizge sala keteiik, WhatsApp jelisi arqyly mektep oqýshylarynyń ata-analary arasynda: «Qurmetti ata-analar! Mektep infektsiialyq jansaqtaý bóliminde bala qaitys bolǵanyn eskertedi. Demalys kúnderi ol tarhýn (shynyda) ishedi. Bilirýbin, ýyttaný, 2 kún komada bolyp, janynyń aman alyp qalýǵa múmkindik bolmady. Balalarmen sóilesińizder, túsindirińizder! Qazir Sitro ishken taǵy bir qyz bar (shyny, marka esimde joq), juma kúnnen bastap kapelnitsa astynda. Dáriger aityp ótkendei, energetik sýsyndaryn ishkennen keiingi nátijelermen jarty bólimshe jatyr. Aqparatty taratyńyzdar jáne balalarǵa eskertińizder!», - degen mátindegi jalǵan habarlama taraǵan bolatyn.
