مەكتەپ وقۋشىلارىنىڭ اتا-انالارى اراسىندا WhatsApp جەلٸسٸ ارقىلى تارحۋن, Citro گازدالعان سۋسىنداردى ٸشكەننەن كەيٸن جۇقپالى اۋرۋلار اۋرۋحاناسىندا بالانىڭ قايتىس بولعانى تۋرالى تاراعان اقپارات جالعان. بۇل تۋرالى قر دم دەنساۋلىقتى ساقتاۋ كوميتەتٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى قازاقپارات تٸلشٸسٸ.
«وبلىستىق دەنساۋلىق ساقتاۋ باسقارماسى باسشىلارىنىڭ رەسمي دەرەكتەرٸنە سەيكەس جۇقپالى اۋرۋ اۋرۋحانالارىندا تارحۋن, Citro گازدالعان سۋسىنداردى جەنە ەنەرگەتيكالىق سۋسىنداردى ٸشكەننەن كەيٸن ۋلانۋ فاكتٸلەرٸ تٸركەلگەن جوق. بۇعان قوسا تاراتىلعان اقپاراتتا كەدەن وداعىندا سۋسىندار مەن كونديتەر ٶنٸمدەرٸن ٶندٸرۋگە رۇقسات ەتٸلگەن تاعامدىق قوسپالار قوسپالار كٶرسەتٸلگەن», - دەپ اتاپ ٶتەدٸ كوميتەتتەن.
ۆەدومستۆونىڭ مەلٸمەتٸنشە, نەگٸزٸنەن ەربٸر بوياعىش ٷشٸن ٶنٸمدەردٸڭ قۇرامىندا بولاتىن نورمالارى بەكٸتٸلگەن.
«ال تاراتىلعان اقپاراتتا بوياعىش كٶرسەتكٸشٸ رۇقسات ەتٸلگەن دەڭگەيدەن اسىپ كەتكەنٸ تۋرالى مەلٸمەت كٶرسەتٸلمەگەن. تىيىم سالىنعان بوياعىشتار بار ازىق-تٷلٸك ٶنٸمدەرٸ تۋرالى اقپارات نەگٸزٸنەن بەيرەسمي ينتەرنەت-رەسۋرستاردان الىنعان. سونىمەن قاتار قر دەنساۋلىق ساقتاۋ مينيسترلٸگٸنٸڭ دەنساۋلىقتى ساقتاۋ كوميتەتٸ اۋماقتىق دەپارتامەنتتەرٸنٸڭ باسشىلارىنا كٶرسەتٸلگەن ازىق-تٷلٸك ٶنٸمدەرٸن ساراپتاما جٷرگٸزۋ ٷشٸن ٸرٸكتەۋگە تاپسىرما بەرٸلدٸ», - دەدٸ ۆەدومستۆودان.
ەستەرٸڭٸزگە سالا كەتەيٸك, WhatsApp جەلٸسٸ ارقىلى مەكتەپ وقۋشىلارىنىڭ اتا-انالارى اراسىندا: «قۇرمەتتٸ اتا-انالار! مەكتەپ ينفەكتسييالىق جانساقتاۋ بٶلٸمٸندە بالا قايتىس بولعانىن ەسكەرتەدٸ. دەمالىس كٷندەرٸ ول تارحۋن (شىنىدا) ٸشەدٸ. بيليرۋبين, ۋىتتانۋ, 2 كٷن كومادا بولىپ, جانىنىڭ امان الىپ قالۋعا مٷمكٸندٸك بولمادى. بالالارمەن سٶيلەسٸڭٸزدەر, تٷسٸندٸرٸڭٸزدەر! قازٸر سيترو ٸشكەن تاعى بٸر قىز بار (شىنى, ماركا ەسٸمدە جوق), جۇما كٷننەن باستاپ كاپەلنيتسا استىندا. دەرٸگەر ايتىپ ٶتكەندەي, ەنەرگەتيك سۋسىندارىن ٸشكەننەن كەيٸنگٸ نەتيجەلەرمەن جارتى بٶلٸمشە جاتىر. اقپاراتتى تاراتىڭىزدار جەنە بالالارعا ەسكەرتٸڭٸزدەر!», - دەگەن مەتٸندەگٸ جالعان حابارلاما تاراعان بولاتىن.
