Qazaqstandyq oqýshylar Dúniejúzilik gimnaziadadan 72 medal alyp úlgerdi. Bul týraly Bilim jáne ǵylym ministri Ashat Aimaǵambetov óziniń Facebook-taǵy paraqshasynda jazdy, dep habarlaidy "Ult aqparat".
«Oqýshylarymyz Dúniejúzilik gimnaziadada 72 medal jeńip úlgerdi. Onyń 28-i altyn, taǵy 28-i kúmis jáne 16-sy qola.
Oqýshylarymyz taekvondo, júzý, jeńil atletika, dziýdo, erkin kúres, semserlesý, kórkem gimnastika, sporttyq gimnastika, sadaq atý, boks jáne áielder kúresinen ótken jarystardyń jeńimpazdary men júldegerleri atandy.
Qazaqstandyq bilim alýshylar mektep oqýshylaryna arnalǵan Dúniejúzilik gimnaziadaǵa alǵash ret qatysyp otyrǵanyn eske sala keteiin.
Búgin Normandiiada jarystyń sońǵy kúni ótedi. Komandaǵa kúsh-jiger, qairat jáne jańa jeńister tileimin. Biz senderdi maqtan tutamyz!», - dep jazdy ministr.
