Foto:elements.envato.com
Tsifrlyq damý, innovatsiialar jáne aeroǵarysh ónerkásibi ministrligi bastaýysh synyp oqýshylaryna beriledi dep josparlanǵan planshetterdi satyp alý men onyń qaýipsizdigine kim jaýapty bolatynyn aitty, - dep habarlaidy Tengrinews.kz.
Aita keteiik, 1 qarashada tsifrlyq damý, innovatsiialar jáne aeroǵarysh ónerkásibi ministri Baǵdat Mýsin úkimet otyrysynda servistik model mehanizmi arqyly 2023 jyly birinshi synypqa baratyn 400 myń qazaqstandyq balany Qazaqstanda jasalǵan planshettermen qamtamasyz etý josparlanyp otyrǵanyn málimdegen bolatyn. Redaktsiia ministrlikke planshetterdi qandai baǵaǵa satyp alý josparlap otyr, olardyń qaýipsizdigin kim qamtamasyz etedi jáne qansha jylǵa jaramdy degen suraqtarmen júgindi. Suraqtarǵa Tsifrlyq damý ministrliginiń baspasóz hatshysy Erhan Tátken jaýap berdi.
Tátkenniń aitýynsha, bul máseleler kelisý satysynda. Degenmen, ministrlik jetkizýshi tańdaý máselesin qazaqstandyq bailanys operatorlaryna berýdi usynyp otyr, olar ózderiniń ishki korporativtik standarttaryna sáikes baǵasy men sapasy jaǵynan básekege qabiletti jabdyq nusqalaryn tańdaidy.
"Bul satyp alý servistik qyzmet kórsetý jáne kepildik boiynsha jaýapkershilik qyzmet kórsetýshige júkteletin servistik úlgi boiynsha júzege asyrylady dep josparlanǵan. Bul rette qurylǵynyń sapasy men qaýipsizdigine joǵary talaptar ázirlenedi, bul qyzmet kórsetý ortalyqtaryna qońyraýlar sanyn azaitady. Sondai-aq, kepildiksiz jaǵdaida mektep oqýshylarynyń úzdiksiz bilim alýy úshin qysqa merzimge aýystyrýǵa arnalǵan qosymsha planshetter berý usynylady", - dedi Tátken.
Planshetterdi mektepte jii qýattamaý úshin bul qurylǵylarda syiymdylyǵy joǵary akkýmýliatordy paidalaný josparlanǵan. Oqýshylarǵa planshet berýdiń egjei-tegjeili tetigi Oqý-aǵartý ministrligimen kelisilgennen keiin anyqtalady.
"Satyp alynatyn planshetter 4 jyl boiy (1-den 4-synypqa deiin) paidalanýǵa bolatyndai ónimdiligi joǵary bolýy kerek dep boljanǵan. Planshetterdiń kepildik berilgen qyzmet etý merzimi keminde 36 ai bolady dep kútiledi", - dep tolyqtyrdy ministrlik, jabdyqtyń kepildigi men qyzmet etý merzimi týraly suraqqa jaýap berip.
