فوتو:elements.envato.com
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ باستاۋىش سىنىپ وقۋشىلارىنا بەرٸلەدٸ دەپ جوسپارلانعان پلانشەتتەردٸ ساتىپ الۋ مەن ونىڭ قاۋٸپسٸزدٸگٸنە كٸم جاۋاپتى بولاتىنىن ايتتى, - دەپ حابارلايدى Tengrinews.kz.
ايتا كەتەيٸك, 1 قاراشادا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ٷكٸمەت وتىرىسىندا سەرۆيستٸك مودەل مەحانيزمٸ ارقىلى 2023 جىلى بٸرٸنشٸ سىنىپقا باراتىن 400 مىڭ قازاقستاندىق بالانى قازاقستاندا جاسالعان پلانشەتتەرمەن قامتاماسىز ەتۋ جوسپارلانىپ وتىرعانىن مەلٸمدەگەن بولاتىن. رەداكتسييا مينيسترلٸككە پلانشەتتەردٸ قانداي باعاعا ساتىپ الۋ جوسپارلاپ وتىر, ولاردىڭ قاۋٸپسٸزدٸگٸن كٸم قامتاماسىز ەتەدٸ جەنە قانشا جىلعا جارامدى دەگەن سۇراقتارمەن جٷگٸندٸ. سۇراقتارعا تسيفرلىق دامۋ مينيسترلٸگٸنٸڭ باسپاسٶز حاتشىسى ەرحان تەتكەن جاۋاپ بەردٸ.
تەتكەننٸڭ ايتۋىنشا, بۇل مەسەلەلەر كەلٸسۋ ساتىسىندا. دەگەنمەن, مينيسترلٸك جەتكٸزۋشٸ تاڭداۋ مەسەلەسٸن قازاقستاندىق بايلانىس وپەراتورلارىنا بەرۋدٸ ۇسىنىپ وتىر, ولار ٶزدەرٸنٸڭ ٸشكٸ كورپوراتيۆتٸك ستاندارتتارىنا سەيكەس باعاسى مەن ساپاسى جاعىنان بەسەكەگە قابٸلەتتٸ جابدىق نۇسقالارىن تاڭدايدى.
"بۇل ساتىپ الۋ سەرۆيستٸك قىزمەت كٶرسەتۋ جەنە كەپٸلدٸك بويىنشا جاۋاپكەرشٸلٸك قىزمەت كٶرسەتۋشٸگە جٷكتەلەتٸن سەرۆيستٸك ٷلگٸ بويىنشا جٷزەگە اسىرىلادى دەپ جوسپارلانعان. بۇل رەتتە قۇرىلعىنىڭ ساپاسى مەن قاۋٸپسٸزدٸگٸنە جوعارى تالاپتار ەزٸرلەنەدٸ, بۇل قىزمەت كٶرسەتۋ ورتالىقتارىنا قوڭىراۋلار سانىن ازايتادى. سونداي-اق, كەپٸلدٸكسٸز جاعدايدا مەكتەپ وقۋشىلارىنىڭ ٷزدٸكسٸز بٸلٸم الۋى ٷشٸن قىسقا مەرزٸمگە اۋىستىرۋعا ارنالعان قوسىمشا پلانشەتتەر بەرۋ ۇسىنىلادى", - دەدٸ تەتكەن.
پلانشەتتەردٸ مەكتەپتە جيٸ قۋاتتاماۋ ٷشٸن بۇل قۇرىلعىلاردا سىيىمدىلىعى جوعارى اككۋمۋلياتوردى پايدالانۋ جوسپارلانعان. وقۋشىلارعا پلانشەت بەرۋدٸڭ ەگجەي-تەگجەيلٸ تەتٸگٸ وقۋ-اعارتۋ مينيسترلٸگٸمەن كەلٸسٸلگەننەن كەيٸن انىقتالادى.
"ساتىپ الىناتىن پلانشەتتەر 4 جىل بويى (1-دەن 4-سىنىپقا دەيٸن) پايدالانۋعا بولاتىنداي ٶنٸمدٸلٸگٸ جوعارى بولۋى كەرەك دەپ بولجانعان. پلانشەتتەردٸڭ كەپٸلدٸك بەرٸلگەن قىزمەت ەتۋ مەرزٸمٸ كەمٸندە 36 اي بولادى دەپ كٷتٸلەدٸ", - دەپ تولىقتىردى مينيسترلٸك, جابدىقتىڭ كەپٸلدٸگٸ مەن قىزمەت ەتۋ مەرزٸمٸ تۋرالى سۇراققا جاۋاپ بەرٸپ.
