Nur-Sultan qalalyq bilim basqarmasynyń basshysy Sholpan Qadyrova elordanyń oqýshylary úshinshi toqsanda offlain oqityn pánderdi atady, dep habarlaidy QazAqparat.
«11 qańtardan bastap oqý jylynyń úshinshi toqsany bastalady. 1-5 synyp oqýshylary kezekshi synyptar rejiminde oqýdy jalǵastyrady. Conymen qatar, III toqsanda bitirýshi 9 jáne 11 (12) synyp oqýshylary aralas formatta 15 adamnan aspaityn kezekshi synyptar rejiminde oqýdy bastaidy dep josparlanýda. Árine, naqty sheshim eń aldymen qalamyzdaǵy epdemiialogiialyq jaǵdaiǵa bailanysty bolady», - dedi basqarma basshysy búgingi baspasóz máslihatynda.
Onyń aitýynsha offlain ótetin sabaq kestesine: orys tili men ádebieti, qazaq tili men ádebieti, shet tili, algebra, geometriia, fizika, himiia, biologiia, geografiia, Qazaqstan tarihy, dúniejúzi tarihy kiredi. Bul oqytý pánderiniń 70% - yn quraidy.
«Sondai-aq pánderdiń 30%-y qashyqtan oqytylady. Atap ótetin bolsam: informatika, ózin – ózi taný, dene shynyqtyrý, quqyq negizi, alǵashqy áskeri tehnologiialyq daiyndyq pánderi qashyqtan oqytylady. Al variativti komponenttiń pánderi kestege sáikes asinhrondy túrde júrgiziledi», - dedi ol.
