Elimizde mektepte oqý kezinde smartfondardy, planshetterdi paidalanýǵa tyiym salý engizilýi múmkin. Bul jaiynda QR Premer-Ministri Asqar Maminniń Senat depýtatynyń saýalyna bergen jaýabynda aitylǵan, dep habarlaidy "Ult aqparat".
«Bilim berý uiymdarynda túrli gadjetterdi (smartfondardy, planshetterdi jáne t.b.) paidalanýǵa tyiym salýdy engizý múmkindigi týraly máseleni pysyqtaý búgingi kúni osyndai sharalardy iske asyrý úshin quqyqtyq jaǵdailar is júzinde bar ekenin (8 óńirde kádimgi knopkaly telefondar paidalanylady) kórsetti. Sonymen qatar, bilim berý salasyndaǵy qoldanystaǵy zańnama boiynsha bilim alýshylar men olardyń ata-analarynyń smartfondardy paidalanýyna tyiym salýdy jalpy bilim beretin mektepterde oqý ornynyń ishki tártibin retteitin normativtik quqyqtyq aktiler, bilim berý uiymynyń ishki tártip erejeleri jáne bilim berý qyzmetin kórsetý sharttary aiasynda retteý josparlanýda», - dep atap ótedi Asqar Mamin.
Aita keteiik, Májilis depýtattary Úkimet basshysynyń atyna joldaǵan saýaldarynda ulttyq aqparattyq keńistiktiń úilesimdi damýyn qamtamasyz etý jáne aqparattyq ortada balalardyń quqyqtaryn qorǵaý jónindegi sharalar keshenin iske asyrý jóninde másele kótergen bolatyn.
