6 sáýirden bastap 3 millionnan astam mektep oqýshycy qashyqtan oqý formatyna kóshedi. Bul týraly Ortalyq kommýnikatsiialar qyzmetiniń alańynda ótken mektep oqýshylarynyń IV toqsanda qashyqtan oqý júiesine arnalǵan onlain konferentsiiada aityldy, dep habarlaidy QazAqparat.
«6 sáýirden bastap 3 millionnan astam mektep oqýshylary qashyqtan oqý formatyna kóshedi. IV toqsanǵa qatysty jumysymyzdy ótkizdik. Suraqtar da, syn-pikirler de, qoldaý da bar. Qashyqtan oqý elimizde tórt tetik boiynsha júrgiziletin bolady. Birinshi, telearnalar arqyly sabaq júrgizemiz. Bul «Balapan», «El arna» telearnasy. Sabaq bireýinde qazaqsha, ekinshisinde orys tilinde júrgiziledi. Kúnine 8 saǵattan efirdi alyp otyrmyz. Jalpy keste daiyn. Kesteni buqaralyq aqparat quraldaryna berip, ata-ana, ustaz, mektepterge taratýdamyz. Ár video sabaq 10 minýtqa sozylady. Búginge deiin 500-ge jýyq video sabaq túsirildi. Jalpy video sabaqtardyń sany 3 360 bolady. Barlyq eń basty pánder qamtylady», - deidi QR Bilim jáne ǵylym ministri Ashat Aimaǵambetov.
Onyń aitýynsha, telearnalar arqyly beriletin virtýaldy tapsyrmalar boiynsha balalar kitaptar, oqýlyqtar jáne basqa da aitylǵan quraldar boiynsha jumys júrgizetin bolady.
«Muǵalimder oqýshylarmen keri bailanys ornatatyn bolady. Bul tetik boiynsha basty qural retinde interneti joq oqýshylar oqidy. Ony qosymsha retinde de qoldanýǵa bolady. Barlyq túsirilgen 3360 video sabaqty mindetti túrde internetke salamyz. Interneti bar oqýshylar ony kerek ýaqytynda qarap, ony qaitalap, qajet jerinde toqtatý múmkindigine ie bolady dep josparlap otyrmyz», - deidi ol.
