Shyǵys Qazaqstan oblysynda oqýshylarǵa smartfon qoldanýǵa tyiym salynýy múmkin, - dep habarlaidy YK-news.kz tilshisi.
Basylym málimetinshe, ázirshe batyrmaly telefondarǵa tek balabaqsha tárbieshileri kóshken. Mundai sheshim a-analar qoǵamdastyǵy oblystyq keńesindegiler otyrysynda qabyldanǵan eken. Osy máselege bailanysty baisylym redaktsiiasyna birneshe ata-ana habarlasqan.
"Men ata-analar keńesiniń bul sheshimine qarsymyn. Meniń ulym kishkentai bala emes, óz zattaryna ózi ie bola alady. Kelesi jyly oqýǵa túsedi. Emtihandarǵa daiyndalýy kerek, árdaiym mobildi interneti de bolý kerek. Menińshe, bul sharany sabaq barysynda oiy bólinip, túrli videolar kórip otyratyndarǵa qoldaný kerek. Solarǵa mektepke smartfon ákelýge tyiym salý kerek", - deidi oqýshylardyń biriniń ata-anasy.
Aita keteiik, sheneýnikter de osy másele boiynsha pikir bildirdi. Óskemen qalalyq prokýratýrasy ShQO bilim basqarmasyna hat joldaǵan eken. Hatqa joldaǵan jaýaptarynla vedomstvo ókilderi gadjetterdiń oqýshylardyń oqý protsesine kedergi keltiretinimen túsindirgen. ShQO bilim basqarmasynyń bilim basshysy qazirgi ýaqytta osy másele boiynsha ata-analardyń pikirleri qaralyp jatyr. Sonymen qatar, vedomstvo basshysy eger de ata-analar bul usynysty qoldamasa, jańa erejege ózgertýler engizetinin aitty.
Sondai-aq, basylym málimetinshe, jaqyn arada mektepterde smartfondardy saqtaýǵa arnalǵan arnaiy jáshikter paida bolýy múmkin.
Eske sala keteiik, osyǵan deiin QR BǴM mektepterde smartfon qoldanýǵa tyiym salatyndaryn aitqan bolatyn. "Ár mektep smartfondardy qoldanýǵa tyiym sala ma, joq pa ózderi sheshedi. Naqty sheshimge kelý úshin ata-analarmen sóilesý kerek. Shynynda da kóp ata-ana balalarynyń mektepte smartfon qoldanýyna qarsy emes, sebebi olar telefon arqyly balalarynyń qai ýaqytta mektepke jetkenin jáne úige qaitatyn ýaqytyn baqylap otyra alady. Qazirgi ýaqytta kóp mektepter sandyq tehnologiiamen qamtamasyz etilmegen. Sondyqtan biz balalarǵa smartfondardy qoldanýyna tyiym salamyz dep aita almaimyz", - degen edi BǴM vitse-ministri.
