Foto: uralskweek.kz
Búgin Premer-Ministrdiń orynbasary Eraly Toǵjanovtyń tóraǵalyǵymen Qazaqstan aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń otyrysy ótti, dep habarlaidy "Ult aqparat" primeminister.kz saityna silteme jasap.
Densaýlyq saqtaý ministri Ajar Ǵiniiat sońǵy aptada epidemiologiialyq ahýal ortasha eseppen 5,6 ese nasharlai túskenin atap ótti. Syrqattanýshylyqtyń ósýi Qaraǵandy oblysynda – 28 ese, Almaty oblysynda – 11 ese, Atyraý, Aqmola oblystarynda jáne Almaty qalasynda – 9-9,5 ese.
Vitse-premer infektsiianyń taralýyn tejeý úshin azamattardy vaktsinalaý jáne revaktsinalaý qarqynyn kúsheitýdi tapsyrdy.
Sondai-aq vedomstvoaralyq komissiia koronavirýs infektsiiasyn emdeý úshin jańa dárilik preparattardy erekshe jaǵdailarda paidalanýdy qoldady.
VAK talqylaýynyń qorytyndysy boiynsha oqytýdyń shtattyq formatyna ruqsat berý usynyldy:
- - mektepke deiingi uiymdarda – ata-analardyń ótinishteri boiynsha («qyzyl», «sary», «jasyl» aimaqtarda);
- - oqýshy sany 600-ge deiin (qosa alǵanda) jalpy bilim beretin mektepterde;
- - oqýshy sany 600-den asatyn jalpy bilim beretin mektepterde – jobalyq qýattyń 50% aspaityn júktememen;
- - jalpy bilim beretin mektepterde – bastaýysh 1-4 synyptar (halyqaralyq mektepterde 5-6 synyptardy qosa alǵanda);
- - mektepten tys uiymdarda – jeke sabaqtar, toptyq sabaqtar – 15 adamǵa deiin, múmkindigi shekteýli balalarǵa arnalǵan túzetý kabinetterinde (ortalyqtarynda), eresekterde – jeke jáne toptyq sabaqtar – 8 adamǵa deiin;
- - kolledjder men joǵary oqý oryndarynda – aralas formatta: praktikalyq, zerthanalyq, seminarlyq sabaqtar, óndiristik praktika – ikemdi grafik boiynsha shtattyq rejimde, dárister – onlain.
Keńes barysynda atap ótilgendei, orta bilim berý uiymdarynda, kolledjderde, joǵary oqý oryndarynda barlyq bilim alýshylardy qashyqtan oqytý formatyna aýystyrý karantin rejimin buzýshylyqtar anyqtalǵan kezde qoldanylatyn bolady.
Keńes sońynda Eraly Toǵjanov memlekettik organdar men ákimdikterdiń basshylaryna koronavirýs infektsiiasynyń taralýyna jol bermeý boiynsha Úkimet qabyldap jatqan sharalardyń saqtalýyn baqylaýdy qamtamasyz etý jóninde naqty tapsyrmalar berdi.
