Búgingi kúni oqýshy sany 300-ge deiingi mektepte jumys tártibi ary qarai da shattyq keste boiynsha jalǵasýda.
Bul týraly Ortalyq kommýnikatsiialar qyzmetinde ótken Orta jáne joǵary bilim berýge qatysty mańyzdy suraqtar týraly brifingide aityldy, dep habarlaidy "Ult aqparat".
«Búgingi kúni oqýshy sany 300-ge deiingi mektepterde jumys tártibi ary qarai da shattyq keste boiynsha jalǵasýda. Osy ýaqytqa deiin jeke keńester oqýshylardyń bilimderiniń jetispeýshiligi bolǵan, qosymsha sabaqtar qajet bolǵan jaǵdaida 5-synypqa deiingi oqýshylarmen toptarda jumys júrgiziletin bolsa, qazirgi qabyldanǵan qaýlyǵa sáikes 15 oqýshyǵa deiingi toptarda keńes júrgizýge ruqsat etildi. Bul, árine, mindetteitin jumys emes. Ár pedagog óziniń synyby boiynsha qai oqýshyǵa qanshalyqty bilimin tolyqtyrý qajet ekendigin anyqtap, ata-analardyń kelisimimen jumys isteidi. Bul áli de qashyqtyq formatta qalyp otyrǵan 6, 7, 8 jáne 10-synyp oqýshylaryna qatysty qabyldanǵan sheshim», - deidi Bilim jáne ǵylym vitse-ministri Sholpan Karinova.
Onyń aitýynsha, ár mekteptiń jaǵdaiy ártúrli.
«Keibir oqýshy mektepke baryp oqysa, internatta jatyp oqityn oqýshylar da bar. Tamaqtandyrý, tasymaldaý jumystaryna bailanysty tiisti sheshimder qaýlylarda kórsetilgen. Osy boiynsha ár óńirdegi jaǵdai eskerilip, bul suraqtarǵa qatysty máseleler óz sheshimin tapty», - deidi ol.
