Oqýlyqtardy irikteý rásimine qoiylatyn talaptar qatańdatyldy. Bul týraly Bilim jáne ǵylym ministrliginiń alqa májilisinde vedomstvo basshysy Ashat Aimaǵambetov málim etti, dep habarlaidy QazAqparat.
«Orta bilimdi damytý úshin latyn grafikasyn engize otyryp, 2023 jyldan bastan 12 jyldyq oqytýǵa kezeń-kezeńmen kóshý kózdelip otyr. Ol úshin biz óte aýqymdy jumys atqarýymyz kerek. Memlekettik jalpyǵa mindetti bilim berý standarty, úlgilik oqý baǵdarlamalary jańartylatyn bolady», - dedi Aimaǵambetov.
Onyń aitýynsha Memleket basshysynyń tapsyrmasy boiynsha matematika, tilder jáne informatika siiaqty basym pánderge erekshe nazar aýdarylady.
«Qazaqstan tarihy» men «Dúnijúzi tarihy» biryńǵai oqýlyqtar ázirlenetin bolady. Oqýlyqtar sapasy qoǵam tarapynan aitylý synǵa tap boldy. Oqýlyqtardy saraptaý jáne irikteý rásimine sarapshylardyń biliktilik deńgeiine qoiylatyn talaptar qatańdatyldy. Oqýlyqtardy sapaly ázirleý úshin oqýlyqtardyń qurylymy men mazmunyna qoiylatyn biryńǵai talaptardy bekitemiz, tiisti zańnamaǵa qajetti ózgerister engizildi», - dedi ministr.
Budan buryn habarlanǵandai, vedomstvo basshysy balalardyń qaýipsizdigin qamtamasyz etý maqsatynda barlyq óńirde mektepterdi beinebaqylaý júiesimen 100 paiyz, jyly ájethanalarmen 99 paiyz qamtamasyz etilgenin aitty.
