QR Bilim jáne ǵylym ministrligi «Oqýlyq» ǵylymi-praktikalyq ortalyǵynyń direktory Ǵani Beisembaev «Oqýǵa qushtar mektep» jobasyn tanystyrdy, dep habarlaidy QazAqparat.
«Búginde bizdiń zertteý boiynsha, jalpy mektep kitaphanalary qorynda 200 mln astam ádebiet bar. Onyń ishinde 38 mln – kórkem ádebietter men merzimdi basylymdar tizimi. Dei turǵanmen, bul basylymdar sapasyna mán berer bolsaq, 80-90 jyldardyń aiaǵynda shyqqan kórkem ádebietter, onyń 20-30 paiyzy jaramsyz ekeni anyqtalyp otyr. Soǵan bailanysty shuǵyl túrde mektep kitaphanalaryn kórkem ádebietpen tolyqtyrý máselesi arnaiy jol kartasynda kórsetilip otyr», - dedi Ǵ. Beisembaev Ortalyq kommýnikatsiialar qyzmetinde ótken brifingte.
Onyń aitýynsha, jobany júzege asyrýǵa bes jyl ýaqyt qajet. Bes jylda barlyq mektep kitaphanalaryn kórkem ádebietpen tolyqtyrý kózdelgen.
«Ár jyl saiyn mektep kitaphanalary 20 paiyzǵa kórkem ádebietpen tolyǵyp otyrady. Bul tolyqtyrý tizimi tórt baǵytta jobalanyp, belgilenip otyrady, onyń ishinde birinshi kezekte otandyq klassikterdiń úzdik týyndylary, ekinshiden qazaq tiline aýdarylǵan álem ádebietiniń tizimi jáne zamanaýi aqyn-jazýshylardyń úzdik shyǵarmalary enedi. Sondai-aq, túrli anyqtamalyqtar, ǵylymi-kópshilik basylymdar men oqý-ádistemelik quraldarmen jasaqtalady. Ádebietter tizimin bekitý bes túrli irikteýden ótedi. Eń sońǵy tizimdi bekitý protsesi arnaiy jasaqtalǵan komissiia arqyly iske asyrylady. Bul komissiia osy mektepke kiretin bes myńǵa jýyq ataýy bar kórkem ádebiet tizimin qalyptastyrady», - dep túsindirdi Ǵ. Beisembaev.
