QR DSM Meditsinalyq jáne farmatsevtikalyq baqylaý komiteti Dárilik zattar men meditsinalyq buiymdardy saraptaý ulttyq ortalyǵy sarapshysy Nurshai Ázimbaeva balalar arasynda KVI-diń taralýy týraly suraqqa jaýap berdi, dep habarlaidy QazAqparat.
«Resmi monitoring derekterine sáikes, qazirgi kezde oqýshylar arasynda tirkelgen koronavirýs jaǵdaiynyń sany 2583-ke jetti. Ol oflain túrde oqityn balalar arasynda. Sondai-aq onlain (qashyqtan) oqityndar arasynda 6089 koronavirýs infektsiiasynyń jaǵdaiy tirkeldi. Bul málimet 2020 jyldyń 1 qyrkúieginen bastap qazirgi ýaqytqa deiin tirkelgen derekter», - dep naqtylady N. Ázimbaeva Ortalyq kommýnikatsiialar qyzmetinde.
Budan buryn habarlanǵandai, baspasóz máslihatynda QR Densaýlyq saqtaý vitse-ministri, bas memlekettik sanitarlyq dáriger Erlan Qiiasov koronavirýsqa qarsy vaktsinalaý naýqanyna qatysty túsinik berdi.
Koronavirýs infektsiiasyna qarsy vaktsinatsiialaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan bastap ekinshi komponentpen vaktsinalaý bastalyp, 2 137 adamǵa ekpe jasaldy, qolaisyz kórinister tirkelgen joq.
Sonymen qatar Qazaqstanda 65 jastan asqan adamdardy vaktsinatsiialaýǵa ruqsat etildi.
