قر دسم مەديتسينالىق جەنە فارماتسەۆتيكالىق باقىلاۋ كوميتەتٸ دەرٸلٸك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى ساراپشىسى نۇرشاي ەزٸمباەۆا بالالار اراسىندا كۆي-دٸڭ تارالۋى تۋرالى سۇراققا جاۋاپ بەردٸ, دەپ حابارلايدى قازاقپارات.
«رەسمي مونيتورينگ دەرەكتەرٸنە سەيكەس, قازٸرگٸ كەزدە وقۋشىلار اراسىندا تٸركەلگەن كوروناۆيرۋس جاعدايىنىڭ سانى 2583-كە جەتتٸ. ول وفلاين تٷردە وقيتىن بالالار اراسىندا. سونداي-اق ونلاين (قاشىقتان) وقيتىندار اراسىندا 6089 كوروناۆيرۋس ينفەكتسيياسىنىڭ جاعدايى تٸركەلدٸ. بۇل مەلٸمەت 2020 جىلدىڭ 1 قىركٷيەگٸنەن باستاپ قازٸرگٸ ۋاقىتقا دەيٸن تٸركەلگەن دەرەكتەر», - دەپ ناقتىلادى ن. ەزٸمباەۆا ورتالىق كوممۋنيكاتسييالار قىزمەتٸندە.
بۇدان بۇرىن حابارلانعانداي, باسپاسٶز مەسليحاتىندا قر دەنساۋلىق ساقتاۋ ۆيتسە-مينيسترٸ, باس مەملەكەتتٸك سانيتارلىق دەرٸگەر ەرلان قيياسوۆ كوروناۆيرۋسقا قارسى ۆاكتسينالاۋ ناۋقانىنا قاتىستى تٷسٸنٸك بەردٸ.
كوروناۆيرۋس ينفەكتسيياسىنا قارسى ۆاكتسيناتسييالاۋ جالعاسىپ جاتىر. قازٸرگٸ كەزدە بٸرٸنشٸ كومپونەنتپەن 20 157 ادام ەگٸلدٸ. 22 اقپاننان باستاپ ەكٸنشٸ كومپونەنتپەن ۆاكتسينالاۋ باستالىپ, 2 137 ادامعا ەكپە جاسالدى, قولايسىز كٶرٸنٸستەر تٸركەلگەن جوق.
سونىمەن قاتار قازاقستاندا 65 جاستان اسقان ادامداردى ۆاكتسيناتسييالاۋعا رۇقسات ەتٸلدٸ.
