Qazaqstan Respýblikasy Din isteri jáne azamattyq qoǵam ministrligi L.Gýmilev atyndaǵy Eýraziia ulttyq ýniversietimen birlesip, Memleket basshysy N.Á. Nazarbaevtyń 2017 jylǵy 12 sáýirdegi «Bolashaqqa baǵdar: rýhani jańǵyrý» maqalasyn talqylaý boiynsha birqatar ziialy qaýym ókilderiniń, memlekettik jáne qoǵam qairatkerlerimen, eń bastysy Astana qalasynyń belsendi jastary jáne jastar isimen ainalysatyn uiymdardyń ókilderimen kezdesýin uiymdastyrdy.
Kezdesýdiń basty maqsaty – maqalada aitylǵan tujyrymdamalardyń naqty iske asyrýda bastamalardy talqylaý, júzege asyrýdyń utymdy joldaryn izdestirý.
Shara barysynda Elbasynyń oi tolǵaýy, rýhani jańǵyrý jónindegi usynystary birinshi kezekte jas urpaqqa arnalǵandyǵy týraly aityldy.
Kezdesý barysynda aǵa býyn ókilderi jastarmen maqalanyń tarihi mańyzdylyǵy týraly áńgime órbitti. Sonymen qatar, qatysýshylardyń paiymdaýynsha maqalada qoiylǵan jańa mindetter jastar tarapynan jańa, tyń bastamalarǵa negiz bolady.
Óz kezeginde Qazaqstan Respýblikasy Din isteri jáne azamattyq qoǵam vitse-ministri Abzal Núkenov: «Osyndai aǵa býyn men jas urpaqtyń saliqaly suhbattary rýhani jańǵyrýdyń mańyzdylyǵyn tereń túsinýge múmkindik beredi, býynaralyq sabastyqty jalǵastyrý qajet» dei kele, mundai sharalardy barlyq oqý oryndarynda ótkizip, jastardy óz bolashaqtarynyń iesi retinde Elbasy makalasyndaǵy ideialardy júzege asyrýǵa belsendi atsalysýǵa shaqyrdy.
Sonymen qatar, ulttyq kodymyzdyń erteńgi aǵa býyn, ziialy qaýym ókilderinde saqtalýynyń bir kepili retinde ýniversitetter men institýttarda, kolledjderde Ulttyq qundylyqtar mektebin qurýdy usyndy.
«Bul mektep jahan jańalyqtarynyń jaǵymdysyn inege ilip, el erekshelikteriniń igilerin, ulttyq murat-maqsattardy jas adamnyń boiyna tereń sińirýge qyzmet atqarýy abzal», - ekenin Qazaqstan Respýblikasy Din isteri jáne azamattyq qoǵam vitse-ministri tilge tiek etti.
QR UǴA akademigi, filosofiia ǵylymdarynyń doktory, professor, akademik, Abaitanýshy Ǵ. Esim atalǵan usynysty qoldap, Ulttyq qundylyqtar mektebin «Abai joly» dep ataýdy usyndy.
