قازاقستان رەسپۋبليكاسى دٸن ٸستەرٸ جەنە ازاماتتىق قوعام مينيسترلٸگٸ ل.گۋميلەۆ اتىنداعى ەۋرازييا ۇلتتىق ۋنيۆەرسيەتٸمەن بٸرلەسٸپ, مەملەكەت باسشىسى ن.ە. نازارباەۆتىڭ 2017 جىلعى 12 سەۋٸردەگٸ «بولاشاققا باعدار: رۋحاني جاڭعىرۋ» ماقالاسىن تالقىلاۋ بويىنشا بٸرقاتار زييالى قاۋىم ٶكٸلدەرٸنٸڭ, مەملەكەتتٸك جەنە قوعام قايراتكەرلەرٸمەن, ەڭ باستىسى استانا قالاسىنىڭ بەلسەندٸ جاستارى جەنە جاستار ٸسٸمەن اينالىساتىن ۇيىمداردىڭ ٶكٸلدەرٸمەن كەزدەسۋٸن ۇيىمداستىردى.
كەزدەسۋدٸڭ باستى ماقساتى – ماقالادا ايتىلعان تۇجىرىمدامالاردىڭ ناقتى ٸسكە اسىرۋدا باستامالاردى تالقىلاۋ, جٷزەگە اسىرۋدىڭ ۇتىمدى جولدارىن ٸزدەستٸرۋ.
شارا بارىسىندا ەلباسىنىڭ وي تولعاۋى, رۋحاني جاڭعىرۋ جٶنٸندەگٸ ۇسىنىستارى بٸرٸنشٸ كەزەكتە جاس ۇرپاققا ارنالعاندىعى تۋرالى ايتىلدى.
كەزدەسۋ بارىسىندا اعا بۋىن ٶكٸلدەرٸ جاستارمەن ماقالانىڭ تاريحي ماڭىزدىلىعى تۋرالى ەڭگٸمە ٶربٸتتٸ. سونىمەن قاتار, قاتىسۋشىلاردىڭ پايىمداۋىنشا ماقالادا قويىلعان جاڭا مٸندەتتەر جاستار تاراپىنان جاڭا, تىڭ باستامالارعا نەگٸز بولادى.
ٶز كەزەگٸندە قازاقستان رەسپۋبليكاسى دٸن ٸستەرٸ جەنە ازاماتتىق قوعام ۆيتسە-مينيسترٸ ابزال نٷكەنوۆ: «وسىنداي اعا بۋىن مەن جاس ۇرپاقتىڭ ساليقالى سۇحباتتارى رۋحاني جاڭعىرۋدىڭ ماڭىزدىلىعىن تەرەڭ تٷسٸنۋگە مٷمكٸندٸك بەرەدٸ, بۋىنارالىق ساباستىقتى جالعاستىرۋ قاجەت» دەي كەلە, مۇنداي شارالاردى بارلىق وقۋ ورىندارىندا ٶتكٸزٸپ, جاستاردى ٶز بولاشاقتارىنىڭ يەسٸ رەتٸندە ەلباسى ماكالاسىنداعى يدەيالاردى جٷزەگە اسىرۋعا بەلسەندٸ اتسالىسۋعا شاقىردى.
سونىمەن قاتار, ۇلتتىق كودىمىزدىڭ ەرتەڭگٸ اعا بۋىن, زييالى قاۋىم ٶكٸلدەرٸندە ساقتالۋىنىڭ بٸر كەپٸلٸ رەتٸندە ۋنيۆەرسيتەتتەر مەن ينستيتۋتتاردا, كوللەدجدەردە ۇلتتىق قۇندىلىقتار مەكتەبٸن قۇرۋدى ۇسىندى.
«بۇل مەكتەپ جاھان جاڭالىقتارىنىڭ جاعىمدىسىن ينەگە ٸلٸپ, ەل ەرەكشەلٸكتەرٸنٸڭ يگٸلەرٸن, ۇلتتىق مۇرات-ماقساتتاردى جاس ادامنىڭ بويىنا تەرەڭ سٸڭٸرۋگە قىزمەت اتقارۋى ابزال», - ەكەنٸن قازاقستان رەسپۋبليكاسى دٸن ٸستەرٸ جەنە ازاماتتىق قوعام ۆيتسە-مينيسترٸ تٸلگە تيەك ەتتٸ.
قر ۇعا اكادەميگٸ, فيلوسوفييا عىلىمدارىنىڭ دوكتورى, پروفەسسور, اكادەميك, ابايتانۋشى ع. ەسٸم اتالعان ۇسىنىستى قولداپ, ۇلتتىق قۇندىلىقتار مەكتەبٸن «اباي جولى» دەپ اتاۋدى ۇسىندى.
