15 shilde kúni qazaqstandyq shekarashylar Qazaqstanǵa zańsyz jolmen 23 ókpeni jasandy jeldetý invazivti emes apparaty men 11 tonna etil spirtin alyp ótpek bolǵandardy qolǵa túsirdi, dep habarlaidy "Ult aqparat" Ulttyq qaýipsizdik komitetine silteme jasap.
Zańsyz zattardy «Qarasý» (Jambyl oblysy) avtokólik ótkizý beketinen alyp ótpek bolǵandardyń tiisti qujaty bolmaǵan.
Uiymdastyrýshylar ÓJJ invazivti emes apparattaryn halyq tutynatyn taýarlardyń arasyna jasyrǵan, al etil spirtin qujatta «qolǵa arnalǵan gigienalyq qural» dep kórsetken.
Qolǵa túsirilgen invazivti emes ókpeni jasandy jeldetý apparattary men etil spirti Jambyl oblystyq ekonomikalyq tergeý departamentine jiberildi.
Aita keteiik, osy ótkizý beketinde birneshe ret zańsyz jolmen meditsinalyq buiymdar men spirt ónimin alyp ótpek bolǵan adamdar ustalǵan edi.
