15 شٸلدە كٷنٸ قازاقستاندىق شەكاراشىلار قازاقستانعا زاڭسىز جولمەن 23 ٶكپەنٸ جاساندى جەلدەتۋ ينۆازيۆتٸ ەمەس اپپاراتى مەن 11 توننا ەتيل سپيرتٸن الىپ ٶتپەك بولعانداردى قولعا تٷسٸردٸ, دەپ حابارلايدى "ۇلت اقپارات" ۇلتتىق قاۋٸپسٸزدٸك كوميتەتٸنە سٸلتەمە جاساپ.
زاڭسىز زاتتاردى «قاراسۋ» (جامبىل وبلىسى) اۆتوكٶلٸك ٶتكٸزۋ بەكەتٸنەن الىپ ٶتپەك بولعانداردىڭ تيٸستٸ قۇجاتى بولماعان.
ۇيىمداستىرۋشىلار ٶجج ينۆازيۆتٸ ەمەس اپپاراتتارىن حالىق تۇتىناتىن تاۋارلاردىڭ اراسىنا جاسىرعان, ال ەتيل سپيرتٸن قۇجاتتا «قولعا ارنالعان گيگيەنالىق قۇرال» دەپ كٶرسەتكەن.
قولعا تٷسٸرٸلگەن ينۆازيۆتٸ ەمەس ٶكپەنٸ جاساندى جەلدەتۋ اپپاراتتارى مەن ەتيل سپيرتٸ جامبىل وبلىستىق ەكونوميكالىق تەرگەۋ دەپارتامەنتٸنە جٸبەرٸلدٸ.
ايتا كەتەيٸك, وسى ٶتكٸزۋ بەكەتٸندە بٸرنەشە رەت زاڭسىز جولمەن مەديتسينالىق بۇيىمدار مەن سپيرت ٶنٸمٸن الىپ ٶتپەك بولعان ادامدار ۇستالعان ەدٸ.
