Ókpe qabynýynan kóz jumǵandarǵa koronavirýstan qaitys bolǵandardy jerleý erjesi qoldanylady. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihaty barysynda ministrge «koronavirýstan qaza tapqandardy jerleý erejesi ókpe qabynýynan qaitys bolǵandarǵa da qoldanyla ma?» degen suraq qoiylǵan edi.
«Bul - birdei jaǵdai. Sondyqtan emdeý sharalarymen qatar basqa da pritsipter saqtalatyn bolady», - dep jaýap berdi ministr.
Aita keteiik, QR Bas memlekettik sanitar dárigeri Aijan Esmaǵambetovanyń koronavirýs indetinen qaza tapqandardy jerleý algoritmi aiqyndalǵan qaýlysy shyqqan bolatyn. Atalǵan qaýlynyń qosymshasyna sáikes, COVID-19-ǵa kúdikti adam qaitys bolǵanda epidemiologiialyq tekserý jáne osy jaǵdaiǵa bailanysty basqa da is-sharalar epidemiiaǵa qarsy rejim talaptaryn saqtai otyryp tez arada júrgiziledi. SOVID-19 diagnozy zerthanalyq rastalǵan jaǵdaida qaitys bolǵan adamnyń denesi ashylmaidy jáne týystaryna berilmeidi. Al, COVID-19-ǵa kúdikti qaitys bolǵanda máiit zerthanalyq zertteý nátijesi shyqqansha týystaryna berilmeidi.
