Ońtústik Qazaqstan oblysynda mədeniet jəne halyq shyǵarmashylyǵy ortalyǵynyń uiymdastyrýymen jas aqyndar arasynda «Jyr tunǵan júrek» oblystyq jyr músháirasy ótti. Baiqaýǵa óńirdiń aýdan, qalalarynan 28 jas jazba aqyn qatysyp, egemendi el jetistikteri men oblystyń qadir-qasietin jyrǵa qosty, dep habarlaidy "Ult aqparat".
Elbasy N.Ə.Nazarbaevtyń «Bolashaqqa baǵdar: rýhani jańǵyrý» maqalasy aiasynda «Týǵan jer» baǵdarlamasyn júzege asyrý men Ońtústik Qazaqstan oblysynyń 85 jyldyǵyna orai uiymdastyrylǵan sharada táýelsizdik jyldaryndaǵa qazaq eliniń jetken jetistikteri aityldy. Jas sóz zergerleri «Təýelsizdigim - tiregim», «Ońtústigim - jyr elim» taqyryptary aiasynda óleń órdi.
Birinen biri ozǵan aqyndar jinalǵan kópshilikti daryndarymen, sýyryp salmalyǵymen tánti etti. Baiqaý qortyndysynda olardyń shyǵarmalary sarapqa salynyp, bas júlde M.Əýezov atyndaǵy OQMÝ stýdenti Nurken Nurǵazyǵa berildi. Birinshi oryndy tólebilik Qanyǵali Boranbai iemdense, ekinshi oryn M.Əýezov atyndaǵy OQMÝ stýdenti Bekzat Nurtaidyń enshisine buiyrdy. Úshindi orynǵa Otyrar aýdany, Shəýildir aýylynan Balnur Baltabaiqyzy ie boldy. Jeńimpazdarǵa oblystyq mədeniet jəne halyq shyǵarmashylyǵy ortalyǵynyń direktory Nurlan Ədilhanov alǵys hat pen qarjylai syilyqtar tabystady.
«Qanshama aqyny men daryny týǵan kúngei ólkeniń jas talanttaryn el ishinen izdep tabý, olarǵa qoldaý kórsetý oblystyq mədeniet jəne halyq shyǵarmashylyǵy ortalyǵynyń negizgi mindeti bolmaq. Búgingi jyr músháirasynyń da maqsaty qalamynan qara óleń týdyrǵan jańa tolqyn aqyndardy taný, irikteý, aǵa býyn ókilderimen pikir almastyra otyryp, shyǵarmashylyq izdenisti arttyrýǵa jaǵdai jasaý. Shara aldaǵy ýaqytta dəstúrli túrde ótip otyrady»,-dedi ortalyq direktorynyń orynbasary Berik Jorabekov.
