Ońtústik Qazaqstan oblysynda «terrorizmdi nasihattady» degen aiyppen eki kúdikti ustaldy. Bul týraly OQO oblystyq ishki ister departamentiniń baspasóz qyzmeti habarlady.
Baspasóz qyzmetiniń málimleýinshe, «jedel-izdestirý is-sharalaryn júrgizý barysynda oblystyq ishki ister departamenti men ulttyq qaýipsizdik komitetiniń oblystyq departamentiniń qyzmetkerleri» Túrkistan qalasy men Sairam aýdanynda «dini radikaldyq aýdio jáne beinejazbalardy taratty» degen kúdikpen 1990 jáne 1995 jyly týylǵan eki azamatty ustaǵan.
Olardyń ústinen terrorizimdi nasihattaý boiynsha sotqa deiingi tergeý amaldary bastalǵan. Kúdiktiler qamaýǵa alynǵan.
Ótken jyly dál osy aýdanda «terrorizmdi nasihattady» degen aiyppen on bir turǵyn ustalyp, olardyń biri – 11-synyp oqýshysy Shahzat Ismailov ótken aptada sot tórt jylǵa sottaldy.
