Búgin Ońtústik Qazaqstan oblysynyń ákimi Janseiit Túimebaev meditsina qyzmetkerleri kúni kásiptik merekesine orai densaýlyq saqtaý salasynyń birqatar ardagerin qabyldap, «Oblysqa sińirgen eńbegi úshin» medalimen marapattady, dep habarlaidy "Ult aqparat" oblys ákiminiń baspasóz qyzmetine silteme jasap.
Óńir basshysynyń qolynan marapat alǵandardyń qatarynda densaýlyq saqtaý salasynda 54 jyl eńbek etken 81 jastaǵy Tursynbek Orazaliev, dáriger-dietolog, meditsinada 45 jyldyq eńbek ótili bar Roza Qýandyqova, pediatriiaǵa 44 jylyn arnaǵan Jumabai Ádenov pen naýqastardy emdeýde jańa tehnalogoiialardy endirýge atsalysqan Raýshan Jylqyshieva, zeinetke shyqsa da óńir meditsinasyn damytýǵa áli de atsalysyp kele jatqan «Shymkent qalasy jáne Ontústik Qazaqstan oblysy intertich otbasylyq-dárigerlik ambýlatoriia» jeke mekemesiniń direktory Mariia Áljanova bar.
Sondai-aq, aimaq basshysy emdeý-aldyn alý mekemelerine 29 sanitarlyq kóliktiń kiltin saltanatty túrde tabys etti.
«Adam janynyń arashasy bolyp tabylatyn dárigerlerdiń qoǵamdaǵy orny erekshe. Densaýlyq saqtaý salasy – memlekettik saiasattyń basym baǵyttarynyń biri. Sondyqtan bizdiń oblysymyzda bul salaǵa bólinetin qarjy jyldan jylǵa artyp keledi. Sonyń arqasynda bizdiń meditsinalyq mekemelerimiz eń ozyq úlgidegi qural-jabdyqtarmen jabdyqtalyp, emdeýdiń tiimdi tásilderi qoldanylyp keledi.Oblysymyzdaǵy meditsinalyq uiymdardyń sanitarlyq avtoparkin jańartý halyqqa kórsetiletin meditsinalyq kómekti ýaqytyly jáne sapaly qol jetimdigin arttyrady dep senemin»-dedi Janseiit Qanseiituly.
Jańa avtokólik naýqasqa alǵashqy kómek kórsetý maqsatynda barlyq quraldarmen qamtamasyz etilgen. Iaǵni, meditsina qyzmetkerleriniń bul avtokólikter arqyly naýqasqa kez kelgen jerde alǵashqy kómek kórsetip, emdeý joldaryn bastap ketý múmkindigi bar.
Aita keteiik, jedel járdem qyzmetiniń jáne alǵashqy meditsinalyq-sanitariialyq kómektiń sanitarlyq avtoparkin jańalaý boiynsha jumystar turaqty túrde júrgizilýde. Sońǵy 5 jylda biýdjet esebinen alǵashqy meditsinalyq-sanitariialyq jáne jedel járdem kómegine 273 dana sanitarlyq avtokólik, onyń ishinde 163 danasy aýyldyq jerlerge satyp alyndy.
Sanitarlyq avtokólikter - oblysymyzda táýligine emhanalyq kómekke qaralatyn 34 myń adamǵa, jedel meditsinalyq kómekke júginetin 5 myńnan astam adamǵa – meditsinalyq qyzmettiń sapasyn joǵarlaýyna óz septigin tigizedi. Oblys qólemindegi meditsinalyq uiymdar 1154 avtokólikpen qamtylǵan, onyń ishinde jedel járdem kómeginde 261 dana sanitarlyq avtokólik.
