Altynshy shaqyrylymdaǵy Ońtústik Qazaqstan oblystyq máslihatynyń kezekten tys 16-shy sessiiasynda bos oryndarǵa sailanǵan 4 azamatqa depýtat mandaty berildi, dep habarlaidy OQO ákiminiń baspasóz qyzmeti.
Iaǵni, búgin oblystyq máslihattyń depýtaty mandatyn № 11 oblystyq sailaý okrýginen sailanǵan «Uly Orda» JShS-niń prezidenti Qairat Súleimenov, № 35 sailaý okrýgi boiynsha «SAURANgroup» JShS-niń keńesshisi Ábdirashit Omarov, № 49 sailaý okrýgi boiynsha «Hamit» AÓK basqarmasy tóraǵasy Baqytjan Sermaniiazov, № 50 sailaý okrýgi boiynsha Qazaqstan injenerli-pedagogikalyq «Halyqtar dostyǵy» ýniversitetiniń rektory Rabiǵa Qýatbekova aldy.
Sessiia jumysyna oblys ákimi, oblys ákimdiginiń músheleri, aýmaqtyq sailaý komissiiasynyń tóraǵasy, qala jáne aýdan ákimderi, quqyq qorǵaý organdary men aýmaqtyq departament pen basqarma basshylary qatysty.
Oblystyq máslihattyń depýtaty Qainar Abasovtyń tóraǵalyǵymen ótken sessiia otyrysynda 4 másele qaraldy. Kún tártibinde kóterilgen máseleler buǵan deiin turaqty komissiia otyrysynda talqylanǵandyqtan sessiiada qaralǵan máseleler depýtattar tarapynan biraýyzdan qoldaý taýyp otyrdy.
Májilis barysynda oblys ákimi Janseiit Túimebaev salalyq mádeniet, sport jáne aqparat qyzmetkerleri kásiptik odaǵynyń «Eńbek dańqy» tósbelgisimen oblystyq máslihattyń depýtattary Serikjan Seitjanovty, Dáýren Ahmetovty, Jamalbek Sháripbek pen Nuraly Ábishevti, Talǵat Baimahanov jáne Ýalihan Rahievalardy marapattady. Osyndai tósbelgini máslihat hatshysy Q.Balabiev oblys ákimine taqty.
Budan bólek, oblystyń damýyna erekshe sińirgen eńbegi men qoǵamdyq ómirge belsendi qatysqany úshin Ońtústik Qazaqstan oblysynyń Qurmet gramotasymen jáne óńirdiń áleýmettik-ekonomikalyq jáne qoǵamdyq-saiasi damýyna sińirgen eńbegi úshin oblystyq máslihatynyń Gramotasymen jalpy jeti azamat marapattaldy.
Sessiia jumysyn qorytyndylaǵan J.Túimebaev barsha depýtattardy jańasha baǵytpen, jańasha kózqaraspen jumys isteýge shaqyrdy.
«Elbasynyń «Bolashaqqa baǵdar: rýhani jańǵyrý» baǵdarlamalyq maqalasy men halyqqa arnaǵan Joldaýyn halyqqa túsindiretin Sizdersizder. Sondyqtan árbirińiz atalǵan qujatty qaita qarap, taldap shyǵyńyzdar. Qazirgi ekonomikalyq damýdyń nátijesine bailanysty biz jańasha baǵytpen, jańasha kózqaraspen jumys isteýimiz qajet»,-dedi oblys ákimi.
On aidyń qorytyndysy boiynsha óńirde aýyl sharýashylyq, óndiris salasy men kooperativterdiń ashylýy jáne investitsiia tartý, qurylys pen memlekettik jekeshilik áriptestik boiynsha oblysymyz respýblikada kósh ilgeri ekenin aitqan óńir basshysy, birlesken júieli jumystardyń arqasynda osy jyldy jaqsy kórsetkishpen aiaqtaitynymyzǵa senimdimin dedi.
