Ońtústik Qazaqstan oblysynda dándi daqyldardy jinaý jumystary tolyǵymen aiaqtaldy. Biyl oblys diqandary astyq ósirýde ozyq tehnologiialardy, onyń ishinde tereń qopsytý ádisin qoldanýdyń arqasynda mol ónimge qol jetkizdi. Máselen, oblys boiynsha 258,8 myń gektar jerge egilgen dándi daqyldan sharýalar 589 myń tonna ónim alǵan, dep habarlaidy óńirlik ákimdiktiń baspasóz qyzmeti.
Memlekettiń qoldaýy men sharýalardyń eseli eńbeginiń arqasynda biyl qambaǵa 400 myń tonnaǵa jýyq astyq quiyldy. Onyń ishinde 345 myń tonnasy bidai bolsa, arpa 52 myń tonna. Odan ózge biyl dándik júgeriden gektaryna 47,6 tsentnerden ónim alynyp, 178 myń tonna júgeri jinaldy.
Syrdariia ózeniniń saǵasynda ornalasqan Maqtaral men Shardara aýdandarynyń dihandary 2,2 myń ga jerge kúrish egip, odan gektaryna 64,5 tsentnerden ónim alyp, 14 myń tonnaǵa jýyq kúrish jinady. Osylaisha biyl oblys boiynsha dándi daqyldardyń kólemi 589 myń tonnany eńserdi.
Jalpy kúngeilik sharýalar aýa raiynyń asa qolaily bolmaǵanyna qaramastan, biyl olar gektaryna ortasha esppen 18,4 tsentnerden ónim jinady. Tipti Maqtaral men Shardara, Túrkistanda gektaryna 30 tsentnerden ónim alyp, úzdik nátijege qol jetkizdi.
Egin sharýashylyǵyn damytýda sharýalarǵa memleket tarapynan qoldaý kúsheitilgen. Jalpy jyl basynan beri tuqym sharýashylyǵyn qoldaý úshin 500 mln. mineraldy tyńaitqyshtarǵa 3 mlrd. al gerbitsiter men biogentterge 276 mln. teńge kóleminde sýbsidiia úlestirilgen. Memlekettiń mundai qoldaýyna 10 myńǵa jýyq aýyl sharýashylyǵy taýar óndirýshileri ie boldy.
