Ońtústikte aýyl bii "eldi shýlatqan" zorlandy degen jeti jasar balanyń jaǵdaiyna bailanysty kópshilikten keshirim surady. Kómekke zárý bolǵan balaqaidy qamqorlyqqa der kezinde almadyq degen aýyl aqsaqaly úlken daýǵa ainalǵan bul problemaǵa mektep basshylarynyń salǵyrttyǵyn aiyptap, kópshilik aldynda synap aldy.
OQO-da zorlandy degen jeti jasar balanyń jaǵdaiyna bailanysty ardagerler keńesiniń músheleri men ziialy qaýym ókilderi jáne oblys basshysy Janseiit Qanseiitulynyń qatysýymen dóńgelek ústel ótti.
Basqosýda sumdyq jaǵdai bolǵan, jeti jasar bala turatyn aýyldaǵy bi sóz alyp, kópshilikten keshirim surady. Aitýynsha, keleńsiz jaǵdaiǵa salǵyrttyq tanytqandar mektep basshylary. Jas balanyń obalyna qalǵandar bul jáitti bile tura, kóz juma qarady deidi ol.
"Ýaqytysynda kóz kórmegendigimizden de bolýy múmkin. Sondyqtan barlyqtaryńyzdan keshirim suraimyn. Bul keleńsiz jaǵdai bolmaýy da kerek edi. "Jasyrǵan aýrý ólmekke ákeledi" - deidi. Bizdegi kóp jaǵdaida sol mekteptiń direktorlary reitingin túsirmes úshin jasyryp qalatyn jaǵdailary bar.
Mektep direktorlary shaqyrýymyzǵa kelmek túgili, ákemderdiń de jinalysyna barmaidy. Alaqandai Abai aýylynda alty mekteptiń úsh direktory eki jyldan beri sottasyp jatyr. Al eki jyldan beri sottasyp jatqan mektepte qandai bereke bolady? Mine, ujymdardyń arasynda bolyp jatqan jaǵdai. Osynyń taiaǵy oqýshylarǵa kelip tiedi", - deidi Abai aýylynyń bii Toilybai aqsaqal.
Jiynǵa qatysqan OQO ákimi Janseiit Túimebaev sońǵy kezderi Ońtústikte bolyp jatqan keleńsiz jaǵdailardy retke keltirý úshin birqatar jumystar júrgizýdi tapsyrdy.
Óńir basshysy bul kezdesýde "Zorlyq- zombylyqsyz-Ońtústik" aktsiiasyn jariialap, qylmystyq isterdi azaitý úshin salaǵa jaýaptylardy birlesip jumys isteýge shaqyrdy.
Derekkóz: NUR.KZ
