Bul týraly búgin OQO Óńirlik kommýnikatsiialar qyzmetinde ótken baspasóz konferentsiiasynda oblystyq jolaýshylar kóligi jáne avtomobil joldary basqarmasynyń salalyq jetekshileri – basqarma basshysynyń orynbasarlary Maqsat Myrzabaev pen Rolan Ibragimov habarlady.
Aldymen, jyl basynan beri basqarmanyń jol kóligi salasynda atqarylǵan jumystardyń barysyna toqtalǵan M.Myrzabaev oblys turǵyndary men eldi mekenderdi turaqty jolaýshylar tasymalymen qamtamasyz etý jaiyna toqtalyp, búginge deiin 766 eldi mekenniń 691-i iaǵni, 90,2%-y qoǵamdyq tasymalmen qamtamasyz etilgenin jetkizdi.
2017 jyldyń 6 aiynda tórt - 3 aýdanaralyq, 1 oblysaralyq turaqty baǵyt ashyldy. Olar – «Shymkent-Boraldai», «Qoshqar Ata-Almaly-Shymkent», «Túrkistan-Jibek Joly» jáne oblysaralyq «Shymkent-Aqtóbe» baǵyttary. Jyl sońyna deiin Tólebi aýdanynyń 4 eldi mekeni, Ordabasy aýdanynyń 4 eldi mekeni, Báidibek aýdanynyń 4 eldi mekeni qoǵamdyq kólikpen qamtamasyz etiletin bolady. Jýyrda Shymkent qalasynyń shalǵai shaǵyn aýdandarynda jáne jolaýshylar aǵyny tómen kóshelerde turatyn turǵyndar qoǵamdyq kóliktermen qamtamasyz etiletin bolady», - dedi M.Myrzabaev.
Jiynda, munan bólek, avtobýstardy jańalaý, olardy GPS quraldarymen jabdyqtaý, zańsyz jolaýshylar tasymalyna tosqaýyl qoiý syndy túrli baǵyttardaǵy atqarylǵan jumystar da aityldy.
Odan soń basqarmanyń avtomobil joldary salasynda atqarylǵan sharýalarǵa toqtalǵan R.Ibragimov Ońtústik Qazaqstan oblysynda avtomobil joldary men eldi meken kósheleriniń jalpy uzyndyǵy 20 928,9 shq. quraitynyn jetkizdi. Olar - respýblikalyq mańyzy bar 837 shq. (95% qanaǵatty), oblystyq mańyzy bar 4 261,2 shq. (58,7% qanaǵatty),aýdandyq mańyzy bar joldar 1 642,7 shq. (64,4% qanaǵatty), eldi-meken kósheleri 11 377,1 shq. (59,9% qanaǵatty) jáne Shymkent qalasy kósheleri 2 810,9 (41,4% qanaǵatty).
«2017 jyly avtomobil joldary salasyn damytýda 584 nysan nemese 1 570,9 shq. joldar men kósheler qurylys-jóndeý jumystarymen qamtylyp jatsa, 6 aidyń qorytyndysyna sáikes, búginge deiin 2 kópirdiń ortasha jáne 1 avtomobil jolynyń kúrdeli jóndeý jumystary júrgizilip, paidalanýǵa berildi», - dedi R.Ibragimov.
