Ońtústik Qazaqstan oblysynyń Tólebi aýdanynda «Bolashaq – bilimdi jastardyń qolynda» atty jas memlekettik qyzmetshilerge arnalǵan kóshpeli seminar uiymdastyryldy. Seminarǵa oblys ákimi apparat basshysynyń orynbasary Qaiyrbek Qunanbaev arnaiy qatysyp, jas memlekettik qyzmetshilermen kezdesti, dep habarlaidy "Ult aqparat" OQO ákiminiń baspasóz qyzmetine silteme jasap.
Sharanyń maqsaty - jas mamandardyń boiyndaǵy jaýapkershilik sezimin oiatyp, memlekettik qyzmetshilerdiń imidjin qalyptastyrý. Jiynda sóz alǵan apparat basshysynyń orynbasary jas qyzmetkerlermen óziniń ómirlik ustanymdarymen bólisti.
«Memlekettik qyzmetshiniń basty mindeti týǵan Otany men halqyna adal qyzmet etýmen baǵalanady. Ótken jyly qabyldanǵan «Qazaqstan Respýblikasynyń memlekettik qyzmeti týraly» jańa Zańynda kórsetilgen mansaptyq model júzege asyrylýda. Osy zańda aitylǵandai, memlekettik qyzmetshini sińirgen eńbegi men jetistigi, qabileti men kásibi daiarlyǵyna qarai memlekettik qyzmet babynda ilgeriletý qaǵidatyna súienemiz. Memlekettik qyzmetshiniń jumysy ashyqtyq, jariialylyq, ádildik printsipterimen ushtastyrylady»,- dedi Q.Qunanbaev.
Memlekettik qyzmettiń mańyzdylyǵyn kórsete otyryp, imidjin kóterý maqsatynda «Meniń ujymym» jáne «Memlekettik qyzmetshiniń bir kúni» atty eki baiqaý jariialanǵan bolatyn.
Baiqaý aiasynda kez kelgen memlekettik qyzmetker óziniń bir kúndik jumys kúnin nemese ujymyn beinerolikke túsirip, usynýyna bolady. Úzdik dep tanylǵan shyǵarmashylyq jumys shara aiasynda marapatqa ie bolady.
Sondai-aq, seminar aiasynda qatysýshylar taqyryptyq seminarlar men toptyq konkýrstarǵa qatysyp, tájiribe almasty.
