Ońtústik Qazaqstanda «23 - maýsym Memlekettik qyzmetshiler kúnine» arnalǵan saltanatty shara ótti. «Qazaqstan Halqy Assambleiasy» ǵimaratynda ótken keshte oblys ákimi Janseiit Túimebaev óńirimizdegi barsha memlekettik qyzmetshilerdi kásibi merekemen quttyqtap, elimizdiń ósip, órkendeý jolynda tolaǵai tabystar tiledi.
«Memlekettik qyzmet – bul barlyq memlekettik basqarý júiesiniń eń mańyzdy tetikteriniń biri. Kez kelgen qoǵam memlekettik basqarýsyz, iaǵni memlekettik qyzmetshilersiz áreket etýi, alǵa jyljyp damýy múmkin emes. Qazirgi qoǵamnyń talaptaryna sai bilikke degen senim de memlekettik qyzmetshige qarap qalyptasady. Oblysmyzdyń qarqyndy damýy Sizderdiń kásibi sheberlikterińizge, tájiribelerińizge, umtylystar men erik-jigerlerińizge tikelei bailanysty. Sizderdi taǵy da kásibi merekelerińizben shyn júrekten quttyqtaimyn!», - dedi J.Túimebaev.
Saltanatty jiynda memlekettik qyzmet salasynda kóp jyldar boiy abyroily qyzmet atqaryp, óz laýazymdyq mindetterin múltiksiz oryndaǵan, jumys barysynda qol jetkizgen tabystary men joǵarǵy kórsetkishteri úshin birqatar memlekettik qyzmetshiler ákimniń qolynan «Úzdik memlekettik qyzmetshi» tós belgisi men Ońtústik Qazaqstan oblysynyń «Oblysqa sińirgen eńbegi úshin» belgisin, Ońtústik Qazaqstan oblysy ákiminiń Gramotasy jáne Alǵys hatyn alsa, kóptegen azamattar QR Memlekettik qyzmet isteri jáne sybailasqa qarsy is-qimyl agentigi Tóraǵasynyń Alǵys hatymen, Ońtústik Qazaqstan oblystyq máslihatynyń Gramotasymen, jalpy sany 30 azamat marapattaldy. Sondai-aq, birqatar úzdik memlekettik qyzmetshilerge Túrkiiada is-tájiribe almasý úshin arnaiy sertifikattar tabystaldy.
Merekelik shara sońy kontserttik baǵdarlamaǵa ulasyp, kásibi mereke ielerine qurmet kórsetildi.
Jalpy, memlekettik qyzmettiń mansaptyq modeliniń tiimdiligi ushan-teńiz. Elbasynyń tapsyrmasyna sáikes, mapsaptyq model engizilgennen keiin komandalyq aýysý joiylyp birtindep keledi. Aldyńǵy jyldarmen salystyrǵanda ótken jyly aýysý tártibimen taǵaiyndaý kórsetkishi 58 esege azaiǵany sonyń dáleli.
Jańa zańnyń basty ustanymy memlekettik qyzmetshini adaldyqqa, ádilettilikke, jaýapkershilikke tárbieleidi. Osy oraida, mansaptyq model boiynsha ótken jyly oblysta 402 memlekettik qyzmetshi joǵary laýazymǵa taǵaiyndaldy. Bul kórsetkish 12 paiyzǵa artyp otyr.
