Ońtústik Qazaqstan oblysynda Jergilikti politsiia qyzmeti qoǵamdyq tártip pen qaýipsizdikti qamtamasyz etý baǵytynda birqatar is-sharalardy júzege asyrdy. Nátijesinde jalpy qylmystyń sany 2017 jyldyń 9 aiynda 13,6 paiyzǵa tómendep otyr. Bul týraly OQO óńirlik kommýnikatsiialar qyzmetinde ótken brifingte oblystyq jergilikti politsiia qyzmetiniń bastyǵy Ábdiǵani Seidýaliev málim etti, dep habarlaidy "Ult aqparat".
Ábdiǵani Toishyulynyń aitýynsha, aǵymdaǵy jyldyń 9 aiynda 190 641 ákimshilik quqyqbuzýshylyq anyqtalyp, olarǵa 1 mlrd 373 mln. teńge aiyppul salynǵan. Búgingi tańda onyń 47,1 paiyzy óndirilipti.
«Erekshe toqtala ketetini, ýchaskelik politsiia inspektorlarynyń jumysy. Osy ýaqytqa deiin olardyń jeke izdestirýimen ashylǵan qylmystar sany 10,7 paiyzǵa artyp otyr. Oǵan qosa anyqtalǵan quqyqbuzýshylyqtar 4,3 paiyzǵa kóbeigen. Ýchaskelik politsiia inspektorlarymen 42 865 aryz-shaǵym qaralyp, zańdy sheshimder qabyldandy», - deidi Ábdiǵani Seidýaliev.
Sondai-aq, biyl jol-patrýldik politsiiasy 1074 qylmysty áshkere qylǵan. Budan bólek, 205 493 ákimshilik quqyqbuzýshylyqtar anyqtalyp otyr. Atap aitqanda, qylmys jasaǵan tulǵalardyń 70,5 paiyzyn jumyssyzdar quraidy.
Sonymen qatar, biyl ákimshilik qadaǵalaý belgilengen 31 azamat shartty túrde merziminen buryn bosatylǵan. Al 220 tulǵa probatsiia qyzmetine jetkizilip, olarǵa áleýmettik-quqyqtyq kómekter kórsetilipti. Aita keterligi, aǵymdaǵy jyly jasóspirimder arasynda jasalǵan qylmystar 18,8 paiyzǵa ósken. Bul kórsetkishti tómendetý maqsatynda óńirde «Jasóspirim», «Qadaǵalaýsyz», «Túngi qaladaǵy balalar» syndy is-sharalar júrgizilýde.
