Búgin Shymkent qalasyndaǵy oblystyq orys drama teatrynda Qazaqstan Respýblikasynyń Konstitýtsiia kúni merekesine arnalǵan «Aibary asqaq - Ata zań» saltanatty is-sharasy ótti. Merekelik jiynǵa qatysqan Ońtústik Qazaqstan oblysynyń ákimi Janseiit Túimebaev barsha óńir jurtshylyǵyn merekemen quttyqtap, 15 azamatty oblys ákiminiń gramotasy jáne alǵys hatymen marapattady, dep habarlaidy oblystyq ákimdiktiń baspasóz qyzmeti.
Óz quttyqtaý sózinde óńir basshysy Konstitýtsiia - birligi men yntymaǵy jarasqan eldigimizdiń buljymas baǵdary, kemel keleshegimizdiń kepili ekenin atap ótti.
«Halyqtyń ózi daýys berip, qabyldaǵan Ata Zańymyz órkenietti memleketterdiń barlyǵyna tán demokratiialyq qaǵidalarmen tolyq qamtyldy. Konstitýtsiia birligimizdiń turaqtylyǵyn, memlekettik qurylym men elimizdiń tutastyǵyn bekitip berdi. Árbir azamattyń ózin teń sezinýine jáne quqyqtaryn saqtaýyna berik negiz boldy. Jasampaz jańa dáýirge jol ashty. Elimizdiń jetken jetistigi men alǵan belesi osy tuǵyrly Konstitýtsiiamyzdyń arqasynda múmkin boldy», - dedi J.Túimebaev.
Merekelik shara «Ata Zań - azattyqtyń aiǵaǵy, táýelsizdiktiń tuǵyry» atty sahnalyq kórinis pen «Táýelsizdik tańy» áni, «Baqytty el - Baqytty otbasy» sazdy horeografiialyq qoiylym, «Qýatty Armiia - Qýatty Qazaqstan» sazdy patriottyq sherýi syndy kontserttik baǵdarlamamen jalǵasyn tapty.
Jańa memleketimizdiń quqyqtyq negizin aiqyndaǵan Konstitýtsiiamyzdyń qabyldanǵanyna biyl 22 jyl tolyp otyr.
