Ońtústik Qazaqstan oblysynyń ákimi Janseiit Túimebaev halyqaralyq «Industry and Engineering Corporation» kompaniiasynyń basqarýshy direktory N.Roýzengari myrzamen kezdesti, dep habarlaidy ákimniń baspasóz qyzmeti.
Sonyń nátijesinde halyqaralyq kompaniiasy men Ońtústik Qazaqstan oblysynyń ákimdigi arasynda óńirde infraqurylym, jol jáne densaýlyq saqtaý syndy birqatar investitsiialyq jobalardy júzege asyrýǵa múmkindik beretin memorandýmǵa qol qoiyldy. Aldaǵy ýaqytta qujattar rásimdelip, halyqaralyq kompaniiaǵa birlese júzege asyratyn birqatar iri jobalar usynylatyn bolady.
Kezdesý barysynda taraptar aimaqtaǵy memlekettik-jekeshelik áriptestik aiasynda iske asyrylýy tiis ózgede jobalardy talqylap, osy baǵyttaǵy jumystarǵa investitsiia tartý jaiyn sóz etti.
Óz kezeginde oblys ákimi qonaqtarǵa isterine sáttilik tilep, óz tarapynan barlyq másele boiynsha qoldaý kórsetýge daiyn ekenin jetkizdi.
Aita keteiik, oblysta memlekettik-jekeshelik áriptestik tetigi arqyly 9,3 mlrd teńge bolatyn 13 jobaǵa jeke áriptes anyqtalyp, kelisim-shart túzildi. Onyń ishinde 8-i bilim berý nysany bolsa, 3 sport, 2 densaýlyq saqtaý nysany. Búginde bul jobalardyń segizine konkýrs jariialanǵan. Al jyl sońyna deiin jalpy 17 joba boiynsha MJÁ aiasynda kelisim shart túzý kózdelýde.
Budan bólek, memlekettik-jekeshelik áriptestik tetigi arqyly Shymkent qalasynda onkologiialyq ortalyq qurylysyn, «Qaýipsiz qala», Shymkent jáne Túrkistan qalalalarynyń kóshelerin jaryqtandyrý syndy jobalardy iske asyrý josparlanýda.
