Ońtústik Qazaqstan oblysynda «Imandylyq - rýhani tárbie bastaýy» atty oblystyq seminar bolyp ótti. Túlkibas aýdandyq ortalyq kitaphanasynda ótken shara barysynda kitap kórmesi uiymdastyryldy. Kórmeniń ashylý saltanatyna oblystyq bilim basqarmasynyń basshysy, kitaphana qyzmetkerleri men mektep oqýshylary qatysty, dep habarlaidy QazAqparat tilshisi.
Elbasynyń «Bolashaqqa baǵdar: rýhani jańǵyrý» atty baǵdarlamalyq maqalasy aiasynda uiymdastyrylǵan sharada rýhani bailyqtarymyzdy baǵamdap, bolashaq urpaq kádesine jaraityn dúnieler jaiy sóz boldy. Adamgershilikti dáripteitin oblystyq seminar barysynda adam boiyndaǵy imandylyq qasietteri aityldy. Adamnyń boiyna izgi qasietterdi uialatatyn, tazalyqqa, imandylyqqa tárbieleitin kitaptar keńinen tanystyryldy.
Halqymyzdyń san ǵasyrlyq rýhani bailyǵy sanalatyn ortalyq kitaphana qorynda saqtalǵan kóne kitaptar men qoljazbalar kópshilik nazaryna usynyldy. Jiynda kitaphana qyzmetkerleri imandylyq tárbiesi - órkenietti el bolýǵa umtylǵan búgingi qazaq qoǵamy úshin kókeikesti másele ekenin aita kele, jas urpaqtyń júregine imandylyq dánin seýip, ony odan ári damytý bilikti ustazdardyń, tarihqa jetik, saltqa berik bilikti mamandardyń qolynda ekenin tilge tiek etti.
Basqosýda, sondai-aq, belsendi oqýshylar óleń joldaryn oqyp, jiyn sońy kontserttik baǵdarlamaǵa ulasty.
