OQO-da erli-zaiyptylar Shyńǵys hannyń ziraty jarty metr tereńdikte ǵana jatqanyn aityp, onyń jerlengen ornyn tapqandaryn alǵa tartty. Bul týraly NUR.KZ portaly "TVK" arnasyna silteme jasap habarlaidy.
Aita keterligi, atalmysh erli-zaiypty shamamen bir jyl buryn da Shyńǵys hannyń ziratyn tapqandaryn málimdegen bolatyn.
Ózin kóripkel retinde tanystyrǵan Gúljanar Altynbekova Shyńǵys hannyń ziraty qaida ekenin biletinin alǵa tartyp, ǵalymdardy kútpesten kúieýimen álgi oryndy qazýǵa kirisken. Áiel Shyńǵys hannyń máiitine jetý úshin tek 30 santimetr jerdi qazý qalǵanyn aitýda.
"Qazir babamyz mármár tasta jatyr. Janynda eki jaǵylǵan sham men ziratyn kúzetip otyrǵan jylan jáne qamshy men taspiq bar", - deidi Gúljanar Altynbekova.
Erli-zaiyptylardyń atalmysh ziratty qazyp jatqanyna eki jyldyń júzi bolǵan. Sol arada olar talai tylsym dúniege tap bolǵandaryna sendirdi.
"Biz atalmysh aimaqta batpaqqa jazylǵan jazbalardy taptyq. Onda "ata-babamyz Shyńys han" dep jazylyp turdy", - deidi Sman Ótegen.
Al Shyńǵys hannyń ziraty tabylǵanyna senimdi ózge turǵynMahmetkárim Shanasov jazbada hannyń esimi qazaqsha áriptermen jazylǵanyn esine aldy.
Eske salsaq, buǵan deiin de Shyńǵys hannyń ziratyn tapqanyna senimdi bolǵan Gúljanar 13 metr tereńdikke baratyn shuńqyr qazdyrtyp, eshqandai zirat tappaǵan bolatyn.
Alaida tarihshylar men ǵalymdar erli-zaiyptylardyń tujyrymyna senýge asyǵar emes. Olar belgisiz aimaqty jón-josyqsyz qazý qaiǵyly jaǵdaiǵa ákelip soqtyrýy múmkin ekenin eskertýde.
