Ońtústik Qazaqtan oblysynda 2017 jyldyń I jartyjyldyǵynda jalpy óńirlik ónim kólemi 1 340 491 mln. teńgeni quraǵan. Osylaisha respýblika kóleminde oblys 5-oryndy iemdenip otyr. Bul týraly OQO óńirlik kommýnikatsiialar qyzmetinde ótken brifingte oblystyq statistika departamentiniń bastyǵy Aidar Ábildabekov málim etti.
Sondai-aq, aǵymdaǵy jyldyń qazan aiyndaǵy kórsetkish boiynsha negizgi kapitalǵa salynǵan investitsiia kólemi 374 907 mln. teńgege jetken. Investitsiia salymdarynyń basym bóligi ónerkásip salasyna, kólik jáne qoimalaý, sondai-aq jyljymaityn múlikpen jasalatyn operatsiialar salasyna tiesili. Negizgi investitsiialyq salymdardyń 57,3 paiyzyn shaǵyn kásiporyndar júzege asyrǵan.
«Respýblika boiynsha tirkelgen zańdy tulǵalardyń 8,4 paiyzy bizdiń oblysqa tiesili. Astana jáne Almaty qalalarynan keiingi oryndy alyp otyrmyz. Oblysta zańdy tulǵalardyń jii tirkeletin qyzmet túri – saýda salasy. Máselen, bólshek saýdanyń kólemi biyl 340 761 mln. teńgeni qurady. Al kóterme saýdanyń kórsetkishi 502 599 mln. teńgege jetken», - dedi Aidar Ahmetbekuly.
Budan bólek, jumys istep turǵan shaǵyn jáne orta kásipkerlik sýbektileriniń sany biyl 177 014 birlikti qurap, byltyrǵy jylmen salystyrǵanda 4,9 paiyzǵa artqan. Jalpy respýblika boiynsha jumys isteitin sýbektilerdiń 15,3 paiyzy Ońtústik Qazaqstan oblysyna tiesili. Sonymen qatar, biyl óńirde shaǵyn jáne orta kásipkerliktegi jumyspen qamtylǵandardyń sany 357 412 adamǵa jetip otyr.
Aita ketetini, aǵymdaǵy 2017 jyldyń qańtar-maýsym ailaryndaǵy kórsetkish boiynsha, shaǵyn jáne orta kásipkerliktegi sýbektilerdiń ónim shyǵarylymy 381 632 mln. teńgeni quraǵan.
OQO ákiminiń baspasóz qyzmeti
