Búgin Shymkentte Ońtústik Qazaqstan oblystyq Qazaqstan halqy Assambleiasy Keńesiniń kezekti otyrysy ótti. «Qazaqstan halqy Assambleiasy» ǵimaratynda ótken jiynǵa oblysymyzdaǵy birqatar basqarmalardyń ókilderi, oblystyq etnomádeni birlestikter men dini konfessiialardyń jetekshileri, oblystyq Assambleia janyndaǵy qurylymdardyń jetekshileri men BAQ ókilderi qatysty, dep habarlaidy Ult.kz tilshisi QazAqparat agenttigine silteme jasap.
Keńes otyrysynda Elbasy Nursultan Nazarbaevtyń elimizdiń saiasi, ekonomikalyq jáne rýhani jańǵyrýy boiynsha alǵa qoiǵan mindetterin iske asyrýda Assambleia aldynda turǵan mindetter qaraldy.
«Oblystyq Assambleia músheleri men barlyq qurylymdary saiasi, ekonomikalyq jáne rýhani jańǵyrý mindetin iske asyrýǵa belsene atsalysýǵa tiis. Eldiń birligi men qoǵamdyq kelisimdi saqtaý baǵytyndaǵy jumysymyzdy odan ári shirata túsýimiz kerek. Óitkeni, alǵa qoiǵan maqsattar tynyshtyq, saiasi turaqtylyq bolǵan jerde ǵana júzege asatyny sózsiz. Ony árbir etnos ókili uǵynýy qajet, - dep atap ótti jiyndy ashqan oblystyq Qazaqstan halqy Assambleiasy tóraǵasynyń orynbasary Muratáli Qalmuratov.
Otyrys barysynda memlekettik tildi latyn grafikasyna kóshirýdiń mańyzy jóninde OQO Qazaqstan halqy Assambleiasy janyndaǵy ǵylymi-sarapshylyq toptyń jetekshisi, professor Asma Qalybekovanyń, Qazaqstan ózbekteriniń «Dýstlik» qoǵamdyq birlestikteri qaýymdastyǵynyń tóraǵasy Ikram Hashimjanovtyń habarlamalary tyńdaldy. Sonymen qatar, Rýhani kelisim kúnine orai qazaqstandyq biregeilik pen birlikti nyǵaitýdyń mańyzy jóninde Qazaqstan musylmandar dini basqarmasy ókil imamynyń orynbasary Muhamedjan Estemirov, Sviato-Niklskii kafedraldyq soborynyń dini qyzmetshisi Aleksandyr Mogilevski jáne oblystyq «Din máselelerin zertteý ortalyǵy» KMM direktorynyń orynbasary Mádi Besbaev óz oilaryn ortaǵa saldy.
Jiynda oblystyq Qazaqstan halqy Assambleiasy Keńesine jańa músheler qabyldanyp, qazaqstandyq birlik pen biregeilikti nyǵaitý maqsatynda jyl sońyna deiin ótetin aýqymdy is-sharalarǵa daiyndyq jumystary pysyqtaldy.
