Ońtústik Qazaqstan oblysynda 13 arnaýly áleýmettik qyzmet kórsetý ortalyqtary bar. Odan bólek aýdandarda 7 kúndizgi qatynaý bólimi jumys jasaidy. Búgin bul týraly OQO óńirlik kommýnikatsiialar qyzmetinde ótken brifingte oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Muhit Otarshiev málim etti, dep habarlaidy óńirlik ákimdiktiń baspasóz qyzmeti.
«Aita keterligi, jańa formattaǵy ataýly áleýmettik kómek. Onyń qazirgi áleýmettik tólemderden basty aiyrmashylyǵy, ol turmysy tómen azamattarǵa nemese otbasylarǵa kórsetiletin qoldaýdyń úsh túrin bir paketpen usyný bolyp tabylady. Olar: ataýly áleýmetti kómekti tóleý, memleket tarapynan jumysqa turýǵa járdemdesý jáne áleýmettik beiimdeý sharalarymen qamtamasyz etý. Jańa formattaǵy kómek tabysy eń tómengi kúnkóris deńgeiiniń 50 paiyzynan tómen otbasylarǵa nemese azamattarǵa shartsyz nemese shartty aqshalai kómek túrinde taǵaiyndalady», - dedi Muhit Otarshiev.
Sondai aq, basqarma basshysynyń aitýynsha, 8530 muqtaj azamat arnaýly áleýmettik qyzmetpen qamtylǵan. 2017 jyly memlekettik áleýmettik tapsyrys sheńberinde respýblikalyq biýdjet esebinen 155,6 mln. teńgege 8 úkimettik emes uiym 700 muqtaj azamattarǵa arnaýly áleýmettik qyzmetterdi usynǵan. Sonymen qatar, oblysta zeinetkerler sany 233 850 adamǵa jetip otyr. Bul oblys halqynyń 8 paiyzyn quraidy.
Budan bólek, oblystyq jáne jergilikti biýdjetter esebinen zeinetkerlerge qoldaý kórsetý baǵytynda birqatar sharalar qabyldanǵan. Onyń sheńberinde jyl saiyn 8 myń zeinetker basqarmaǵa qarasty «Ardagerler» jáne «Meiir ardagerler» úilerinde saýyqtyrý sharalarymen qamtamasyz etiledi.
