Ońtústik Qazaqstan oblysy ákimdiginde oblys ákiminiń orynbasary Erbol Sadyrdyń tóraǵalyǵymen jiyn ótti, dep habarlaidy "Ult aqparat".
Májiliste «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan» baǵdarlamasynyń osy jyldyń 5 aiynda iske asyrylý jaiy qaraldy.
Oblystyq jumyspen qamtý jáne áleýmettik baǵdarlamalar basqarmasy basshysynyń orynbasary S.Polatovtyń málimdeýinshe, 2017 jyly memlekettik jáne salalyq baǵdarlamalar negizinde oblysta 66764 jańa jumys oryndary ashylmaq. Onyń ishinde jumyspen qamtý ortalyǵy arqyly 5677 adamnyń jumysqa ornalasýy josparlansa, bes aida naqty 9561 jańa jumys oryndary ashylyp, jumyspen qamtý ortalyqtary arqyly 1863 adam jumysqa ornalasty.
Jumyssyzdyqty joiýdyń birden bir joly «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan» baǵdarlamasynyń iske asyrylýy ekenin aitqan oblys ákiminiń orynbasary baǵdarlama sheńberinde halyqty jumyspen qamtamasyz etý jónindegi 2017 jylǵa arnalǵan keshendi jospar bekitilgenin aitty.
Josparǵa sáikes, baǵdarlamamen jalpy 64314 adam qamtylatyny josparlanyp, 5 aida naqty 31499 adam qatysqan.
Baǵdarlamanyń birinshi baǵyty boiynsha 2017 jyly «Kásiptik oqytýǵa» 11437 adam oqytylmaq. «Bastaý-Biznes» jobasy boiynsha 2017 jyldyń 1 mamyryna 467 adam kásipkerlik negizinde oqýǵa joldansa, onyń 295 oqýdy aiaqtap tiisti sertifikat berildi, igerilgen qarjy 19,9 mln. teńge.
