Ońtústik Qazaqstan oblysy Báidibek aýdanynda 1 jeltoqsan - Qazaqstan Respýblikasynyń Tuńǵysh Prezidenti kúnine orai jaiaý júrginshilerge arnalǵan kópirdiń saltanatty túrde ashylý rásimi ótti, dep habarlaidy oblystyq ákimdiktiń baspasóz qyzmeti.
Boraldai aýyldyq okrýgine qarasty Orynbai Taimanov pen Aqjar eldi mekenderin bólip turǵan jańa aspaly kópirdiń ashylǵanyna jergilikti halyq dán riza. Sharaǵa Báidibek aýdany ákiminiń mindetin ýaqytsha atqarýshy Nurǵali Aitbekov qatysyp, kópirdiń aýyl jurty úshin qajetti bolǵandyǵyn aitty.
«Oblystyq biýdjetten 45 million 306 myń teńge qarjy bólinip, maýsym aiynda uzyndyǵy 144 metr bolatyn aspaly kópir qurylysyn qolǵa alǵan «JBI-S» JShS-i belgilengen merzimde nysandy el igiligine paidalanýǵa berip otyr. Tuńǵysh Prezidenti kúnine orai berilip jatqan kópir el igiligine qyzmet ete bersin», - dedi Nurǵali Mámetuly.
Báidibek aýdanyndaǵy Aqjar aýylynyń turǵyndary úlken qýanyshqa keneldi. Boraldai ózeniniń arǵy betin jailaǵan 300-ge jýyq turǵyn ortalyqpen qatynasty bólip turǵan asaý ózennen óterde kóp qiyndyq kóretin. Endi ol artta qaldy. Ózen ústinen jaiaý júrginshilerge arnalǵan jańa aspaly kópir paidalanýǵa berildi.
Ózen ústinde jaiaý júrginshilerge arnalǵan kópir buryn da bolǵan. Biraq ol ábden eskirip, turǵyndardyń úreiin kúsheitken edi. Jergilikti bilik jurt problemasyna qyryn qaramady. Táýelsizdik merekesi qarsańynda jańa kópir paidalanýǵa berildi. Oblystyq biýdjetten kópirdi qaita qalpyna keltirý úshin 45 mln. 306 myń teńge qarjy bólindi. 144 metrlik nysan qurylysy maýsym aiynda bastalǵan bolatyn. Ony «JBI-S» jaýapkershiligi shekteýli seriktestigi salyp, belgilengen merzimde el igiligine berip otyr.
Mine, kóptiń tilegi oryndalyp, kópir paidalanýǵa berildi. Endi qaýip pen qiyndyqqa toly sátter umytylatyndai kúnder týmaq. Mundai igilikti iske Aqjar aýylynyń turǵyndary rizashylyqtaryn bildirip, tek alǵystaryn aitýda.
