وڭتٷستٸك قازاقستان وبلىسى بەيدٸبەك اۋدانىندا 1 جەلتوقسان - قازاقستان رەسپۋبليكاسىنىڭ تۇڭعىش پرەزيدەنتٸ كٷنٸنە وراي جاياۋ جٷرگٸنشٸلەرگە ارنالعان كٶپٸردٸڭ سالتاناتتى تٷردە اشىلۋ رەسٸمٸ ٶتتٸ, دەپ حابارلايدى وبلىستىق ەكٸمدٸكتٸڭ باسپاسٶز قىزمەتٸ.
بورالداي اۋىلدىق وكرۋگٸنە قاراستى ورىنباي تايمانوۆ پەن اقجار ەلدٸ مەكەندەرٸن بٶلٸپ تۇرعان جاڭا اسپالى كٶپٸردٸڭ اشىلعانىنا جەرگٸلٸكتٸ حالىق دەن ريزا. شاراعا بەيدٸبەك اۋدانى ەكٸمٸنٸڭ مٸندەتٸن ۋاقىتشا اتقارۋشى نۇرعالي ايتبەكوۆ قاتىسىپ, كٶپٸردٸڭ اۋىل جۇرتى ٷشٸن قاجەتتٸ بولعاندىعىن ايتتى.
«وبلىستىق بيۋدجەتتەن 45 ميلليون 306 مىڭ تەڭگە قارجى بٶلٸنٸپ, ماۋسىم ايىندا ۇزىندىعى 144 مەتر بولاتىن اسپالى كٶپٸر قۇرىلىسىن قولعا العان «جبي-س» جشس-ٸ بەلگٸلەنگەن مەرزٸمدە نىساندى ەل يگٸلٸگٸنە پايدالانۋعا بەرٸپ وتىر. تۇڭعىش پرەزيدەنتٸ كٷنٸنە وراي بەرٸلٸپ جاتقان كٶپٸر ەل يگٸلٸگٸنە قىزمەت ەتە بەرسٸن», - دەدٸ نۇرعالي مەمەتۇلى.
بەيدٸبەك اۋدانىنداعى اقجار اۋىلىنىڭ تۇرعىندارى ٷلكەن قۋانىشقا كەنەلدٸ. بورالداي ٶزەنٸنٸڭ ارعى بەتٸن جايلاعان 300-گە جۋىق تۇرعىن ورتالىقپەن قاتىناستى بٶلٸپ تۇرعان اساۋ ٶزەننەن ٶتەردە كٶپ قيىندىق كٶرەتٸن. ەندٸ ول ارتتا قالدى. ٶزەن ٷستٸنەن جاياۋ جٷرگٸنشٸلەرگە ارنالعان جاڭا اسپالى كٶپٸر پايدالانۋعا بەرٸلدٸ.
ٶزەن ٷستٸندە جاياۋ جٷرگٸنشٸلەرگە ارنالعان كٶپٸر بۇرىن دا بولعان. بٸراق ول ەبدەن ەسكٸرٸپ, تۇرعىنداردىڭ ٷرەيٸن كٷشەيتكەن ەدٸ. جەرگٸلٸكتٸ بيلٸك جۇرت پروبلەماسىنا قىرىن قارامادى. تەۋەلسٸزدٸك مەرەكەسٸ قارساڭىندا جاڭا كٶپٸر پايدالانۋعا بەرٸلدٸ. وبلىستىق بيۋدجەتتەن كٶپٸردٸ قايتا قالپىنا كەلتٸرۋ ٷشٸن 45 ملن. 306 مىڭ تەڭگە قارجى بٶلٸندٸ. 144 مەترلٸك نىسان قۇرىلىسى ماۋسىم ايىندا باستالعان بولاتىن. ونى «جبي-س» جاۋاپكەرشٸلٸگٸ شەكتەۋلٸ سەرٸكتەستٸگٸ سالىپ, بەلگٸلەنگەن مەرزٸمدە ەل يگٸلٸگٸنە بەرٸپ وتىر.
مٸنە, كٶپتٸڭ تٸلەگٸ ورىندالىپ, كٶپٸر پايدالانۋعا بەرٸلدٸ. ەندٸ قاۋٸپ پەن قيىندىققا تولى سەتتەر ۇمىتىلاتىنداي كٷندەر تۋماق. مۇنداي يگٸلٸكتٸ ٸسكە اقجار اۋىلىنىڭ تۇرعىندارى ريزاشىلىقتارىن بٸلدٸرٸپ, تەك العىستارىن ايتۋدا.
