Búgin OQO ákiminiń orynbasary Ulasbek Sádibekov Ordabasy aýdanynda jumys saparymen bolyp, birqatar nysandardy aralady, dep habarlaidy Ult.kz tilshisi.
Aldymen Shubar aýylyndaǵy №18 kolledjge at basyn buryp, tynys-tirshiligin kórdi. Atalmysh oqý orny 1959 jyldan beri shákirtterdi kásiptik bilimge baýlyp keledi. Búgingi tańda munda 371 jetkinshek bilim alýdy. Olarǵa 50 injener-pedagog bilim beredi. Oqý ǵimaratynan soń Ulasbek Sádibekuly kolledj jataqhanasymen, tehnikalyq bazasymen tanysty.
Ekinshi nysan – Bereke aýylyndaǵy 200 oryndyq mektep qurylysy. Mundaǵy jumys qarqyndy júrýde. “MD Constructon Ltd” jaýapkershiligi shekteýli seriktestiktiń ókili qurylystyń kestege sáikes júrgizilip keletinin alǵa tartty. Tapsyrylýy 2018 jylǵa josparlanǵan mektepke oblystyq jáne aýdandyq biýdjetten qarjy bólingen. Sonymen qatar, oblys ákiminiń orynbasary Aqqoily aýylyndaǵy “Aqqoily meshit-medresesi” tarih jáne sáýlet eskertkishine burylyp, búgingi ahýalyn kórdi.
Sondai-aq, Yntaly aýylynda ornalasqan Q.Bektaev atyndaǵy mektep-internatyna baryp, ondaǵy oqýshylardyń jaǵdaiymen tanysty.
Sapar qorytyndysynda, Ulasbek Sádibekov aýdan aktivimen kezdesip, alqaly jiyn ótkizdi. Aýdan ákiminiń orynbasary Azat Oralbaev Elbasy Nursultan Nazarbaevtyń “Bolashaqqa baǵdar: rýhani jańǵyrý” strategiialyq maqalasyndaǵy basymdyqtardy júzege asyrý boiynsha aýdanda atqarylǵan jumys barysyn baiandady.
OQO Qazaqstan halqy assambleia hatshylyǵynyń meńgerýshisi Muratáli Qalmuratov, oblystyq bilim basqarmasynyń basshysy Isatai Saǵyndyqov, oblystyq din isteri basqarmasynyń basshysy Samat Saparbaev, oblystyq tilderdi damytý jáne qujattama basqarmasynyń basshysy Bastar Esqaraev, oblystyq mádeniet basqarmasy basshysynyń mindetin atqarýshy Asylhan Temirhan, oblystyq ishki saiasat basqarmasynyń basshysynyń orynbasary Madiiar Álipov sóz alyp, aýdandaǵy kezegin kútken kúrmeýli máseleler jaiyn tilge tiek etti.
Jiyndy aýdan ákimi Rashid Qaiypjanov qortyndylap, oblys ákiminiń orynbasary men basqarma basshylary tarapynan aitylǵan syn-eskertpelerdiń nazarǵa alynyp, jumys júrgiziletinin jetkizdi.
