Búgin «Qazaqstan halqy assambleiasy» ǵimaratynda meditsina qyzmetkerleri kúnine arnalǵan merekelik shara ótti.
Saltanatty jiynǵa qatysqan Ońtústik Qazaqstan oblysynyń ákimi J.Túimebaev, densaýlyq saqtaý salasy mamandaryn kásibi merekelerimen quttyqtap, úzdik dárigerlerge páter men avtokólik kiltin tabystady.
Aimaq basshysy páter kiltin oblystyq klinikalyq aýrýhanasynyń jansaqtaý bóliminiń meńgerýshisi Tsai Viacheslavqa, al sý jańa Lada Granta avtokóliginiń kiltin Ordabasy aýdanynyń ortalyq balalar bóliminiń meńgerýshisi Aigerim Imanovaǵa berdi.
Budan bólek, ákim densaýlyq salasynda talmai eńbek etken dárigerlerdi «Oblysqa sińirgen eńbegi úshin» medalimen jáne oblys ákiminiń qurmet Gramotasy men Alǵys hatymen marapattady.
Merekelik sharada sonymen qosa, ózgede mereke ielerine QR densaýlyq saqtaý ministrliginiń «Eńbek ardageri» medali, QR «Densaýlyq saqtaý isiniń úzdigi», QR «Densaýlyq saqtaý isine qosqan úlesi úshin», «Kásipodaqqa sińirgen eńbegi úshin» tósbelgilerimen nagradtalsa, birqatar azamattar Qazaqstan Respýblikasy Densaýlyq ministrliginiń qurmet Gramotasy men Alǵys hatymen marapattaldy. Osylaisha, bul kúni 100-den astam meditsina qyzmetkerleriniń eńbegi elenip, qýanyshqa bólendi.
Saltanatty jiynnyń sońy merekelik kontserttik baǵdarlamamen jalǵasyn tapty.
Aita keteiik, Ońtústikte 30 myńnan astam adam densaýlyq salasynda eńbek etse, onyń 7 myńnan astamy dárigerler, al 23 myńy orta býyndy qyzmetkerler bolyp keledi.
Eske salaiyq, elimizdegi aimaqtar arasynda birinshi bolyp Ońtústik Qazaqstan oblysynyń ortalyǵynda transplantatsiia qolǵa alynǵan bolatyn. Dárigerlerimiz búginge 82 búirek jáne 8 baýyr almastyrý otalaryn jasady. Al osy jyly oblysymyzda tunǵysh ret «qaitys bolǵan donordan» aǵza almastyrý júrgizilip, 2 búirek almastyrý otasy sátti júzege asty.
