Búgin Ońtústik Qazaqstan oblysynyń ákimi J.Túimebaev túrki álemi injenerler jáne sáýletshiler odaǵy múshelerin qabyldady, dep habarlaidy "Ult aqparat" óńir basshysynyń baspasóz qyzmetine silteme jasap.
Kezdesýde taraptar sáýletshilik jáne qala qurylysy jobalaryn áńgimelep, túrki áleminiń ejelgi sáýlet óneri eskertkishterin saqtaýǵa jáne onyń búlinýin boldyrmaý, qurylysty salý barysynda ejelgi dástúrleri men zamanaýi ustanymdaryn úilesimdi yqpaldastyrý jaiyn sóz etti.
Ońtústik - Qazaqstannyń shýaqty bóliginde ornalasqan halqy eńbekqor ári qonaqjai óńir ekenin aitqan aimaq basshysy, oblystyń tarihi jáne kieli jerlerimen tanystyrý maqsatynda Sizder úshin arnaiy úsh kúndik baǵdarlama ázirlengenin jetkizdi.
Sonymen qatar, ákim Elbasynyń «Bolashaqqa baǵdar:rýhani jańǵyrý» baǵdarlamasy aiasynda oblysta «KóneTúrkistan», «Ordabasy memorialy», «Qazyǵurt – Keme qalǵan» tarihi-mádeni kesheni syndy birqatar jobalar qolǵa alynǵanyn atap ótti.
Óz kezeginde Túrki dúniesiniń sáýletshiler jáne injenerler odaǵynyń bas hatshysy Iliias Demirdji sóz alyp, atajurtqa kelgenine qýanyshty ekenin aityp, oblys ákimi Janseiit Túimebaevtyń qabyldaǵanyna alǵysyn bildirdi.
«Bizdiń Ońtústik óńirine jasaǵan saparymyzdyń maqsaty – atajurtymyzben birlesip, tiisti baǵdarlamalar júrgizý. Túrik dúniesiniń injenerler jáne sáýletshiler odaǵy «Firbank» qurylys bankimen birlese turǵyn úi men qurylys salasynda kómek bermek. Búginde Ázirbaijan, Túrkiia jáne Qyrǵyzstan elderinde quny 60 mln.dollar bolatyn birlesken jobalar ázirlenip jatyr. Bul oraida, biz tájirbie almasý úshin sáýlet jáne qala qurylys basqarmasynyń basshysyn Túrkiia eline shaqyramyz»,-dedi Iliias Demirdji.
Túrkiia memleketinen kelgen delegattar sapary barysynda Ońtústiktiń kieli jerlerine ziiarat etip, tarihi jáne kórikti jerlerin tamashalaityn bolady. Sonymen birge Túrkistan qalasyndaǵy Q.A.Iasaýi atyndaǵy Halyqaralyq qazaq-túrik ýniversitetinde ótetin seminarǵa qatyspaq.
