Búgin Ońtústik Qazaqstan oblysynyń ákimi J.Túimebaev Shymkent qalasy ákimi qyzmetin atqarǵan Ǵabidolla Ábdirahymovty qabyldap, abyroimen atqarǵan qyzmeti úshin jyly lebizin bildirdi. Bul týraly óńir basshysynyń baspasóz qyzmeti habarlady.
Oblys ákimi bar kúsh-jigerin, qalanyń ekonomikasyn damytýǵa arnap, bilikti uiymdastyrýshy retinde kózge túsken Ǵabidolla Rahmatullaulyna oblys ákimdiginiń atynan alǵys aityp, jańa qyzmettegi eńbegine sáttilik tiledi.
«Ózderińiz bilesizder, Shymkent qalasy Elbasynyń nazarynda bolyp, onyń damýyna árdaiym kóńil aýdaryp keledi. Memleket basshysynyń mindettegen tapsyrmalaryn oryndaýda talmai eńbek ettińiz. Úsh esege ulǵaiǵan qala aýmaǵyn abattandyrý, ortalyqqa qosylǵan eldi mekenderdiń infraqurylymyn damytý baǵytyndaǵy júieli jumystaryńyz úshin alǵys aitamyn» degen oblys ákimi J.Túimebaev arnaiy Alǵys hat tapsyrdy.
Al, Ǵabidolla Ábdirahymov ózine únemi qoldaý kórsetken oblys ákimi J.Túimebavpen ózge de áriptesterine ystyq yqylasyn jetkizdi. Sondai-aq, eline jáne týǵan jerine áli de aianbai eńbek etetinin aitty.
Aita keteiik, keshe Ǵabidolla Ábdirahymov «Nur Otan» partiiasynyń hatshysy qyzmetine taǵaiyndaldy.
